പത്തനംതിട്ട: സംസ്ഥാനത്ത് ക്ഷീരവികസനം, മൃഗസംരക്ഷണം എന്നീ വകുപ്പുകളിലെ സേവനങ്ങളെ ലോക്ക് ഡൗൺ വിലക്കുകളിൽ നിന്ന് ഒഴിവാക്കി അവശ്യസേവനങ്ങളായി പ്രഖ്യാപിച്ച് സർക്കാർ ഉത്തരവായി. സംസ്ഥാനത്തെ ക്ഷീരവികസനത്തിലും മൃഗപരിപാലനത്തിലും ഉണ്ടാകുന്ന വിലക്കുകൾ അനേകം മനുഷ്യരെയും മൃഗങ്ങളെയും നേരിട്ട് ബാധിക്കുന്നതിനാലും പാൽ ഉത്പാദനവും വിതരണവും ഒഴിവാക്കാനാവാത്തതിനാലുമാണിത്. ഇതുപ്രകരം പാലിന്റെ മൊത്തം സംഭരണവും വിതരണവും നിയന്ത്രണങ്ങളിൽ നിന്ന് ഒഴിവാക്കിയിട്ടുണ്ട്. വെറ്ററിനറി ഹോസ്പിറ്റലുകളെയും ലോക്ക് ഡൗണിൽ നിന്ന് ഒഴിവാക്കി.