പത്തനംതിട്ട: ജില്ലയിൽ ഇന്നലെ പുതിയ കേസുകൾ ഒന്നും കണ്ടെത്തിയിട്ടില്ല. ഇന്നലത്തെ സർവൈലൻസ് ആക്ടിവിറ്റികൾ വഴി ഒരു സെക്കൻഡറി കോൺടാക്ടിനെ പുതുതായി കണ്ടെത്തി.
ജനറൽ ആശുപത്രി പത്തനംതിട്ടയിൽ 11 പേരും ജില്ലാ ആശുപത്രി കോഴഞ്ചേരിയിൽ ആറു പേരും ജനറൽ ആശുപത്രി അടൂരിൽ ഒരാളും ഐസൊലേഷനിൽ ഉണ്ട്.
സ്വകാര്യ ആശുപത്രികളിൽ തിരുവല്ല പുഷ്പഗിരി മെഡിക്കൽ കോളജ് ആശുപത്രിയിൽ മൂന്നു പേർ ഐസൊലേഷനിൽ ഉണ്ട്.
ആകെ 21 പേർ വിവിധ ആശുപത്രികളിൽ നിരീക്ഷണത്തിൽ ഉണ്ട്.
ഇന്നലെ പുതിയതായി നാലു പേരെ ഐസൊലേഷനിൽ പ്രവേശിപ്പിച്ചു.
ഇതുവരെ 80 പേരെ ഡിസ്ചാർജ് ചെയ്തിട്ടുണ്ട്.