 ത​ല​ച്ചി​റ ബ​ണ്ട് ന​വീ​ക​ര​ണത്തോടെ പദ്ധതിക്ക് തുടക്കമാകും

കൊ​ല്ലം: ന​ഗ​ര​ങ്ങ​ളിൽ ല​ഭ്യ​മാ​കു​ന്ന ഗു​ണ​മേ​ന്മ​യു​ള്ള സൗ​ക​ര്യ​ങ്ങൾ ഒ​രു​ക്കി ഗ്രാ​മീ​ണ ജ​ന​ത​യു​ടെ ജീ​വി​തം മെ​ച്ച​പ്പെ​ടു​ത്തു​ക ല​ക്ഷ്യ​മിട്ട് നടപ്പിലാക്കുന്ന നാ​ഷ​ണൽ റർ​ബൻ മി​ഷൻ പദ്ധതിയടെ ഉ​ദ്​ഘാ​ട​നം ഇന്ന് രാ​വി​ലെ 9ന് മ​ന്ത്രി ജെ. മേ​ഴ്‌​സി​ക്കു​ട്ടി​അമ്മ നിർ​വ​ഹി​ക്കും.

തൃ​ക്കോ​വിൽ​വ​ട്ടം പ​ഞ്ചാ​യ​ത്തി​ലെ ത​ല​ച്ചി​റ ബ​ണ്ട് ന​വീ​ക​ര​ണ​ത്തോ​ടെ​യാ​ണ് ജില്ലയിൽ പ​ദ്ധ​തി​​ക്ക് തു​ട​ക്ക​മി​ടു​ന്ന​ത്. ചേ​രീ​ക്കോ​ണം ത​ല​ച്ചി​റ​യിൽ ന​ട​ക്കു​ന്ന പ​രി​പാ​ടി​യിൽ എൻ.കെ. പ്രേ​മ​ച​ന്ദ്രൻ എം.പി മു​ഖ്യാ​തി​ഥി​യാ​കും. ജി​ല്ലാ ക​ള​ക്​ടർ ബി. അ​ബ്​ദുൽ നാ​സർ റി​പ്പോർ​ട്ട് അ​വ​ത​രി​പ്പി​ക്കും.

 120 കോടി രൂപയുടെ പദ്ധതികൾ

നെ​ടു​മ്പ​ന, തൃ​ക്കോ​വിൽ​വ​ട്ടം പ​ഞ്ചാ​യ​ത്തു​കൾ ഉൾ​പ്പെ​ടു​ന്ന ക്ല​സ്റ്റ​റി​നെ​യാ​ണ് പദ്ധതിക്കായി തി​ര​ഞ്ഞെ​ടു​ത്തി​ട്ടു​ള്ള​ത്. 25000 മു​തൽ 50000 വ​രെ ജ​ന​സം​ഖ്യ വ​രു​ന്ന സമീപത്തുള്ള ഗ്രാ​മ​ങ്ങ​ളെ ഉൾപ്പെടുത്തിയാണ് ക്ല​സ്റ്റർ രൂ​പീ​ക​രി​ച്ചിട്ടുള്ളത്.

ക്ല​സ്റ്റ​റി​ന്റെ സ​മ​ഗ്ര വി​ക​സ​ന​ത്തി​നാ​യി 120.15 കോ​ടി രൂ​പ​യുടെ പ്ര​വൃ​ത്തി​കൾ​ക്ക് സർക്കാർ അം​ഗീ​കാ​രം ല​ഭി​ച്ചി​ട്ടു​ണ്ട്. ഇ​തിൽ 90.15 കോ​ടി രൂ​പ കേ​ന്ദ്ര സം​സ്ഥാ​നാ​വി​ഷ്​കൃ​ത പ​ദ്ധ​തി​ക​ളു​ടെ കൺ​വെർ​ജൻ​സ് ഫ​ണ്ടും 30 കോ​ടി രൂ​പ വി​ക​സ​ന വി​ട​വ് നി​ക​ത്തു​ന്ന​തി​നാ​യി സ്​കീ​മി​ന്റെ ഭാ​ഗ​മാ​യി ല​ഭി​ക്കു​ന്ന ക്രി​ട്ടി​ക്കൽ ഗ്യാ​പ് ഫ​ണ്ടു​മാ​ണ്. 30 കോ​ടി രൂ​പ​യിൽ 60 ശ​ത​മാ​നം കേ​ന്ദ്ര വി​ഹി​ത​വും 40 ശ​ത​മാ​നം സം​സ്ഥാ​ന വി​ഹി​ത​വു​മാ​ണ്.

 73.66 കോടി രൂപ

അ​ടി​സ്ഥാ​ന വി​ക​സ​ന മേ​ഖ​ല​യിൽ കു​ടി​വെ​ള്ളം, ശു​ചി​ത്വം, വൈ​ദ്യു​തീ​ക​ര​ണം, ശൗ​ചാ​ല​യ​ങ്ങൾ, റോ​ഡു​കൾ, തെ​രു​വ് വി​ള​ക്കു​കൾ, സോ​ളാർ പാ​ന​ലു​കൾ, ഗ്യാ​സ് ക്രി​മ​റ്റോ​റി​യം തു​ട​ങ്ങി​യ പദ്ധതികൾക്കായി 73.66 കോ​ടി രൂ​പ​.

 23.95 കോടി രൂപ

പ്രാ​ദേ​ശി​ക സാ​മ്പ​ത്തി​ക വി​ക​സ​ന​ത്തി​നാ​യി 23.95 കോ​ടി രൂ​പ​.

 22.55 കോടി രൂപ

സ്​കൂ​ളു​കൾ, ഹോ​സ്പി​റ്റ​ലു​കൾ, ബ​ഡ്‌​സ് സ്​കൂ​ളു​കൾ, സി​റ്റി​സൺ സർ​വീ​സ് സെന്റർ, പ​ട്ടി​ക​ജാ​തി കോ​ള​നി​ക​ളു​ടെ ന​വീ​ക​ര​ണം എ​ന്നി​വ​യ്​ക്കാ​യി 22.55 കോ​ടി രൂ​പ​.