അഞ്ചാലുംമൂട്: യുവതിയെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. കുപ്പണ പടിഞ്ഞാറ്റെ മൂടോടത്ത് വീട്ടിൽ ആതിരയാണ് (22) മരിച്ചത്. ഇന്നലെ രാവിലെ 10നും ഉച്ചയ്ക്ക് 1നും ഇടയിലാണ് സംഭവം. ഈ സമയം വീട്ടിൽ ആരും ഉണ്ടായിരുന്നില്ല. വീട്ടിനുള്ളിൽ നിന്ന് ആത്മഹത്യാ കുറിപ്പും കണ്ടെടുത്തു. ഡൽഹി എയർപോർട്ട് ജീവനക്കാരിയായ യുവതിയുടെ വിവാഹം കഴിഞ്ഞത് മൂന്നുമാസം മുമ്പാണ്. ആർമി ഉദ്യോഗസ്ഥനായ രാഗേഷാണ് ഭർത്താവ്. സ്‌പെഷ്യൽ തഹസീൽദാർ അനിൽ ഫിലിപ്പിന്റെ നേതൃത്വത്തിൽ അഞ്ചാലുംമൂട് പൊലീസ് മേൽനടപടി സ്വീകരിച്ചു. പോസ്റ്റ്മോർട്ടത്തിനായി മൃതദേഹം പാരിപ്പള്ളി മെഡിക്കൽ കോളേജ് ആശുപത്രിയിലേക്ക് മാറ്റി. പിതാവ്: അനിൽ കുമാർ. മാതാവ്: രാധ, സഹോദരി: അനിത.