കൊ​ല്ലം: നാ​രീ​ശ​ക്തി പു​ര​സ്​​കാ​ര​ത്തി​ന് പി​ന്നാ​ലെ ഭാ​ഗീ​ര​ഥി​അ​മ്മ​യെ തേ​ടി വാർദ്ധ​ക്യ​കാ​ല പെൻ​ഷ​നുമെത്തി. 105 വയസിന്റെ നി​റ​വിൽ അ​ക്ഷ​ര​ങ്ങ​ളെ തോ​ഴ​രാ​ക്കി​യ മു​ത്ത​ശ്ശി​ക്ക് ഇ​നി തു​ടർ പഠ​ന​ത്തി​നാ​യി പെൻ​ഷൻ തു​ക വി​നി​യോ​ഗി​ക്കാം. ഈ നി​മി​ഷ​ത്തിൽ നി​റ​ഞ്ഞ സ​ന്തോ​ഷ​വും അ​ഭി​മാ​ന​വും തോ​ന്നു​വെ​ന്ന് ഭാ​ഗീ​ര​ഥി​യ​മ്മ പറഞ്ഞു. പ്രാ​യ​ത്തി​ന്റെ അ​വ​ശ​ത​മൂ​ലം നാ​രീ​ശ​ക്തി പു​ര​സ്​​കാ​രം രാ​ഷ്​ട്ര​പ​തി​യു​ടെ കൈയിൽ നി​ന്ന് നേ​രി​ട്ട് വാ​ങ്ങാൻ ക​ഴി​യാ​ഞ്ഞ​തി​ലു​ള്ള ചെ​റി​യ ദുഃഖം ഇ​തോ​ടെ വ​ലി​യ സ​ന്തോ​ഷ​ത്തി​ലേ​ക്ക് വ​ഴി​മാ​റി.

പെൻ​ഷൻ അ​നു​വ​ദി​ച്ചു​കൊ​ണ്ടു​ള്ള അ​നു​മ​തി​പ​ത്രം തൃ​ക്ക​രു​വ ഗ്രാ​മ​പ​ഞ്ചാ​യ​ത്ത് പ്ര​സി​ഡന്റ് കെ. ച​ന്ദ്ര​ശേ​ഖ​രൻ പി​ള്ള​യു​ടെ സാ​ന്നി​ധ്യ​ത്തിൽ പ​ഞ്ചാ​യ​ത്ത്​​ ഡെ​പ്യൂ​ട്ടി ഡ​യ​റ​ക്​ടർ ബി​നുൻ വാ​ഹി​ദ് ഭാ​ഗീ​ര​ഥി​അ​മ്മ​യ്ക്ക് കൈ​മാ​റി.
ഒ​രു വർ​ഷം മുമ്പാണ് ഭാഗീരഥിഅമ്മ പെൻ​ഷ​ന് വേ​ണ്ടി അ​പേ​ക്ഷ നൽകിയത്. എ​ന്നാൽ ആ​ധാർ കാർ​ഡ് ഇ​ല്ലാ​ത്ത​തി​നാൽ പെൻ​ഷൻ ല​ഭ്യ​മാ​യില്ല. പ്രാ​യാ​ധി​ക്യം മൂ​ലം വി​ര​ല​ട​യാ​ളം രേ​ഖ​പ്പെ​ടു​ത്താൻ ക​ഴി​യാ​ത്ത​തി​നാ​ലാ​ണ് ആ​ധാർ കാർ​ഡ് ല​ഭി​ക്കാ​തെ പോയത്. ജി​ല്ലാ ഭ​ര​ണ​കൂ​ട​ത്തി​ന്റെ​യും തൃ​ക്ക​രു​വ ഗ്രാ​മ​പ​ഞ്ചാ​യ​ത്തി​ന്റെ​യും സ​മ​യോ​ചി​ത​മാ​യ ഇ​ട​പെ​ട​ലി​ലൂ​ടെ സാ​ങ്കേ​തി​ക ത​ട​സ​ങ്ങൾ നീ​ക്കി ദി​വ​സ​ങ്ങൾ​ക്കു​ള്ളിൽ വേ​ണ്ട ന​ട​പ​ടി​കൾ പൂർ​ത്തി​യാ​ക്കുകയായിരുന്നു.

മുൻ​കാ​ല പ്രാ​ബ​ല്യ​ത്തോ​ടെ പ്ര​തി​മാ​സ പെൻ​ഷ​നാ​യി 1500 രൂ​പ​യാ​ണ് ഇ​നി ഭാ​ഗീ​ര​ഥി​അമ്മ​ക്ക് ല​ഭി​ക്കു​ക. സെ​ക്ര​ട്ട​റി ആർ. സു​നിൽ​കു​മാർ, പ​ഞ്ചാ​യ​ത്ത് വ​കു​പ്പ് ഉ​ദ്യോ​ഗ​സ്ഥർ തു​ട​ങ്ങി​യ​വർ പ​ങ്കെ​ടു​ത്തു.