ഓച്ചിറ: പൗരത്വ നിയമഭേദഗതി ബില്ലിന് അനുകൂലമായി ഫേസ് ബുക്കിൽ പോസ്റ്റിട്ടതിന്റെ പേരിൽ കച്ചവടം നിഷേധിക്കപ്പെട്ട പൊന്നുവിന് 'പൊന്നു സഹായസമിതി' നിർമ്മിച്ച് നൽകിയ ഫുഡ്ട്രക്കിന്റെ താക്കോൽ മുൻ മിസോറാം ഗവർണർ കുമ്മനം രാജശേഖരൻ കൈമാറി. ചടങ്ങിൽ രാഷ്ട്രീയ സ്വയം സേവക് സംഘ് വിഭാഗ് കാര്യവാഹക് വി.മുരളീധരൻ അദ്ധ്യക്ഷനായി. സാഹായസമിതി ചെയർമാൻ അഡ്വ.കൃഷ്ണരാജ് യോഗം ഉദ്ഘാടനം ചെയ്തു. ബി.ജെ.പി ദക്ഷിണമേഖലാ പ്രസിഡന്റ് കെ.സോമൻ, ആർ.എസ്.എസ് ഖണ്ഡ് സംഘചാലക് ആർ.മോഹനൻ, വിശ്വഹിന്ദു പരിഷത്ത് വിഭാഗ് സെക്രട്ടറി വരവിള വാസുദേവൻ, പ്രഖണ്ഡ് പ്രസിഡന്റ് ജി.പി.വേണു, ബി.ജെ.പി മണ്ഡലം പ്രസിഡന്റ് കെ.ആർ.രാജേഷ്, ഹിന്ദു ഐക്യവേദി ജില്ലാ പ്രസിഡന്റ് അഡ്വ.സുധീർ, കേരളാ ക്ഷേത്ര സംരക്ഷണ സമിതി താലൂക്ക് സെക്രട്ടറി ആർ.ധനരാജൻ, പൊന്നു ചേട്ടൻ സഹായ സമിതി അംഗങ്ങളായ അഡ്വ.പ്രതീഷ് വിശ്വനാഥ്, ഡോ.ബാലു, ജി.പി.അജിത്ത്കുമാർ, ആർ.സുശീലൻ തുടങ്ങിയവർ സംസാരിച്ചു.