പ​ത്ത​നാ​പു​രം: വീ​ട്ടു​വ​ഴ​ക്കി​നെ തു​ടർ​ന്ന് ഭാ​ര്യ​യെ​യും ഭാ​ര്യാ​മാ​താ​വി​നെ​യും വാക്കത്തിക്ക് വെ​ട്ടി​ പരിക്കേൽപ്പിച്ചശേഷം തെങ്കാശിയിലേക്ക് മുങ്ങിയ യുവാവിനെ പൊലീസ് പിന്തുടർന്ന് പിടികൂടി. ചേ​ത്ത​ടി മൈ​ലാ​ടും​പാ​റ തോ​ണി​വി​ള വീ​ട്ടിൽ റെ​ജിയാണ് (46) അറസ്റ്റിലാ​യ​ത്. ആ​ട്ടോ​റി​ക്ഷാ ഡ്രൈ​വ​റാ​യ ഇ​യാൾ ഭാ​ര്യ​യ്​ക്ക് കാ​മു​ക​നു​ണ്ടെ​ന്ന് ആ​രോ​പി​ച്ച് വീ​ട്ടിൽ സ്ഥിരമായി വ​ഴ​ക്കിട്ടിരു​ന്നു.

റെ​ജി​യു​ടെ ഭാ​ര്യ ശ്യാ​മ (35), മാ​താ​വ് ന​യോ​മി (65) എ​ന്നി​വർ​ക്കാ​ണ് വെട്ടേറ്റത്. ഗുരുതരമായി പരിക്കേറ്റ ഇ​രു​വ​രും തി​രു​വ​ന​ന്ത​പു​രം മെ​ഡി​ക്കൽ കോ​ളേജ് ആ​ശു​പ​ത്രി​യിൽ ചി​കി​ത്സ​യി​ലാ​ണ്. ക​ഴി​ഞ്ഞ ദി​വ​സം രാ​ത്രി പ​ത്തോ​ടെ​യാ​ണ് സം​ഭ​വം. വ​ഴ​ക്കി​നി​ടെ ശ്യാ​മ​യെ വെട്ടുന്നത് കണ്ട് പി​ടി​ച്ചു​മാ​റ്റാ​നെ​ത്തി​യ ന​യോ​മി​​ക്കും വെട്ടേറ്റു. യു​വ​തി​യു​ടെ​ ​കൈ​യ്ക്കും​ ​അ​മ്മ​യു​ടെ​ ​ക​ഴു​ത്തി​ലു​മാ​ണ് ​വെ​ട്ടേ​റ്റ​ത്.​ ​

തു​ടർ​ന്ന് ആ​ട്ടോറിക്ഷ​യിൽ കൊ​ട്ടാ​ര​ക്ക​ര റെ​യിൽ​വേ സ്റ്റേ​ഷ​നി​ലെ​ത്തി​യ റെ​ജി ട്രെ​യിൻ മാർ​ഗമാണ് തെ​ങ്കാ​ശി​യി​ലേ​ക്ക് ക​ട​ന്നത്. മൊ​ബൈൽ ട​വർ കേ​ന്ദ്രീ​ക​രി​ച്ച് കു​ന്നി​ക്കോ​ട് സി.ഐ മു​ബാ​റ​ക്, എ​സ്.ഐ ബെ​ന്നി​ലാൽ എ​ന്നി​വ​രു​ടെ നേ​തൃ​ത്വ​ത്തിൽ പി​ന്തു​ടർ​ന്നെ​ത്തി​യ പൊ​ലീ​സ് തെ​ങ്കാ​ശി​യിൽ നിന്ന് പ്രതിയെ പിടികൂടുകയായിരുന്നു.