പുനലൂർ: കല്ലട ഇറിഗേഷന്റെ വലതുകര കനാലിൽ അജ്ഞാത സ്ത്രീയുടെ മൃതദേഹം കണ്ടെത്തി. ഇന്നലെ രാത്രി 10.45 ഓടെയായിരുന്നു 50 വയസ് തോന്നിക്കുന്ന സ്ത്രീയുടെ ജഡം ഒഴുകി പോകുന്നത് സമീപവാസികൾ കണ്ടത്. ഇടമൺ സത്രം ജംഗ്ഷന് സമീപത്തെ റെയിൽവേ സ്റ്റേഷനിലേക്ക് പോകുന്ന റോഡിലെ പാലത്തിലെ കനാലിലൂടെയാണ് ജഡം ഒഴുകിയത്. നാട്ടുകാർ ഉടൻ കരയ്ക്ക് അടുപ്പിച്ച ശേഷം തെന്മല പൊലീസിൽ വിവരം അറിയിച്ചു. സ്ഥലത്തെത്തിയ എസ്.ഐ പ്രവീണിന്റെ നേതൃത്വത്തിൽ മൃതദേഹം താലൂക്ക് ആശുപത്രിയിൽ എത്തിച്ചു.