 31 വരെ നിർദേശങ്ങൾ പാലിക്കണം

 അവഗണിച്ചവർക്കെതിരെ കേസെടുക്കാൻ കളക്ടറുടെ റിപ്പോർട്ട്

കൊല്ലം: കൊറോണ ജാഗ്രതയുടെ ഭാഗമായി സർക്കാർ പുറപ്പെടുവിച്ച നിർദേശങ്ങൾ അവഗണിച്ചാൽ നിയമ നടപടി വൈകിപ്പിക്കേണ്ടെന്ന് ജില്ലാ ഭരണകൂടത്തിന്റെ തീരുമാനം. ജില്ലാ ഭരണകൂടത്തിന്റെ നിർദേശങ്ങൾ പൂർണമായും അവഗണിച്ച് ആഘോഷങ്ങൾ നടത്തിയവർക്കെതിരെ ദുരന്ത നിവാരണ നിയമ പ്രകാരം കേസെടുക്കണമെന്ന് കാട്ടി വിവിധ തദ്ദേശ സ്ഥാപനങ്ങളുടെ സെക്രട്ടറിമാരും ആരോഗ്യ വകുപ്പും ഇന്നലെ കളക്ടർക്ക് റിപ്പോർട്ട് നൽകി.

ഇതിന്റെ കൂടി അടിസ്ഥാനത്തിൽ മാനദണ്ഡങ്ങൾ കർശനമായി നടപ്പാക്കാനും വെല്ലുവിളിക്കുന്നവർക്കെതിരെ നടപടി കർശനമാക്കാനും കളക്ടർ നിർദേശം നൽകി. മാനദണ്ഡങ്ങൾ നടപ്പാക്കാൻ പൊലീസ് ഇടപെടൽ ഉറപ്പ് വരുത്തും. ഇന്നലെ ജില്ലയിൽ നടന്ന വിവാഹ ചടങ്ങുകളിൽ 50ൽ കൂടുതൽ ആളുകളെ പങ്കെടുപ്പിക്കരുതെന്ന് കർശന നിർദേശം നൽകിയിരുന്നെങ്കിലും പലയിടത്തും കൂടുതൽ ആളുകൾ പങ്കെടുത്തു. ഇതോടെയാണ് മൃദുസമീപനം മാറ്റി നടപടിയിലേക്ക് നിങ്ങാൻ നിർബന്ധിതമായത്.

1. ഓ​ഡി​റ്റോ​റി​യ​ങ്ങൾ, ക​ല്യാ​ണ മ​ണ്ഡ​പ​ങ്ങൾ തു​ട​ങ്ങി​യ​വ​യിൽ 50 പേ​രിൽ കൂ​ടു​തൽ ഒ​ന്നി​ച്ച് കൂ​ട​രു​ത്.

2. നിർ​ദേ​ശം അ​വ​ഗ​ണി​ച്ച് കൂ​ടു​തൽ ആ​ളു​കൾ ഒ​ത്തുചേർ​ന്നാൽ ജ​ന​ക്കൂ​ട്ട​ത്തെ പി​രി​ച്ച് വി​ടാൻ പൊ​ലീ​സ് ഇ​ട​പെ​ടും.

3. പൊ​ലീ​സ് ആ​വ​ശ്യ​പ്പെ​ട്ടാൽ ഓ​ഡി​റ്റോ​റി​യ​ത്തി​ലേ​ക്കു​ള്ള വൈ​ദ്യു​തി​യും ജ​ല​വി​ത​ര​ണ​വും വി​ച്ഛേ​ദി​ക്കാൻ കെ.എ​സ്.ഇ.ബി​ക്കും വാ​ട്ടർ അ​തോ​റി​റ്റി​ക്കും നിർ​ദേ​ശം.

4. ച​ട​ങ്ങു​ക​ളിൽ മാ​ന​ദ​ണ്ഡ​ങ്ങൾ പാ​ലി​ക്കുന്നില്ലെ​ന്ന് ബോ​ദ്ധ്യ​പ്പെ​ട്ടാൽ ഓ​ഡി​റ്റോ​റി​യ​ങ്ങൾ പൂ​ട്ടി സീൽ ചെ​യ്​ത് ലൈ​സൻ​സ് റ​ദ്ദാ​ക്കും.

5.നിർദേ​ശ​ങ്ങൾ ലം​ഘി​ക്കു​ന്ന​വർ​ക്കെ​തി​രെ ബ​ന്ധ​പ്പെ​ട്ട നി​യ​മ​ങ്ങ​ളി​ലേ​തി​ന് പു​റ​മെ ദു​ര​ന്ത നി​വാ​ര​ണ നി​യ​മ പ്ര​കാ​രം കൂ​ടി ശി​ക്ഷാ ന​ട​പ​ടി സ്വീ​ക​രി​ക്കും.

''

നിർദേശങ്ങൾ ജനങ്ങളുടെ സുരക്ഷയ്ക്ക് വേണ്ടിയാണ്. അവഗണിച്ചാൽ കർശനമായ നിയമ നടപടികളുണ്ടാകും.

ബി.അബ്ദുൽനാസർ, ജില്ലാ കളക്ടർ