പ​ത്ത​നാ​പു​രം: സ​ഹോ​ദ​രി​യെ വി​വാ​ഹം ക​ഴിപ്പി​ച്ച് നൽ​കാ​ത്ത​തി​ലു​ള്ള വി​രോ​ധ​ത്തിൽ യുവാവിനെ കൊലപ്പെടുത്താൻ ശ്രമിച്ച കേസിലെ പ്രതികൾ അറസ്റ്റിൽ. ഇ​ട​ത്ത​റ പാ​തി​രി​ക്കൽ ആ​ഷി​ക് മൻ​സി​ലിൽ ആ​ഷി​കി​നെ കൊ​ല​പ്പെ​ടു​ത്താൻ ശ്ര​മി​ച്ച കേ​സി​ലെ പ്ര​തി​ക​ളാ​യ കു​ണ്ട​യം മൂ​ല​ക്ക​ട കു​ന്നു​വി​ള പ​ടി​ഞ്ഞാ​റ്റ​തിൽ മു​ഹ​മ്മ​ദ് അ​ബി (19), കു​ണ്ട​യം, മൂ​ല​ക്ക​ട, റ​ഫാൻ മൻ​സി​ലിൽ റി​യാം റ​ഹീം (19) എ​ന്നി​വ​രെയാണ് പ​ത്ത​നാ​പു​രം പൊ​ലീ​സ് അറസ്റ്റ് ചെയ്തത്.
ആ​ഷി​ക് സ​ഞ്ച​രി​ച്ചി​രു​ന്ന കാർ പ്ര​തി​ക​ൾ മോ​ട്ടോർ സൈ​ക്കി​ളും ജീ​പ്പും ഉ​പ​യോ​ഗി​ച്ച് തടഞ്ഞശേഷം ക​മ്പി​വ​ടിക്ക് ത​ലയ്​ക്ക​ടി​ച്ച് കൊ​ല​പ്പെ​ടു​ത്താൻ ശ്ര​മി​ക്കു​ക​യാ​യി​രു​ന്നു. പ​ത്ത​നാ​പു​രം എ​സ്.എ​ച്ച്.ഒ അൻ​വർ, എ​സ്.ഐ ജോ​സ​ഫ് ലി​യോൺ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പൊ​ലീ​സാ​ണ് പ്ര​തി​ക​ളെ അ​റ​സ്റ്റ് ചെ​യ്​ത​ത്. സം​ഘ​ത്തി​ലു​ണ്ടാ​യി​രു​ന്ന മറ്റ് പ്ര​തി​ക​ൾ ഒളിവിലാണെന്ന് പൊ​ലീ​സ് പ​റ​ഞ്ഞു. പ​രി​ക്കേ​റ്റ ആ​ഷി​ക് പു​ന​ലൂർ താ​ലൂ​ക്ക് ആ​ശു​പ​ത്രി​യിൽ ഇപ്പോഴും ചി​കി​ത്സ​യി​ലാ​ണ്.