കൊ​ല്ലം: ഓ​ട്ടോ ​മൊ​ബൈൽ ഷോ​പ്പിലുണ്ടായ തീ​പി​ടിത്തത്തിൽ അ​പ​ക​ടം ഒ​ഴി​വാ​യ​ത് ത​ല​നാ​രി​ഴ​യ്​ക്ക്. മ​ണി​ച്ചി​ത്തോ​ടി​ന് സ​മീ​പം പ്ര​വർ​ത്തി​ക്കു​ന്ന ഗോ​ഡ്വിൻ ഓ​ട്ടോ മൊ​ബൈൽ ഷോ​പ്പി​ലാ​ണ് ഇ​ന്ന​ലെ രാ​ത്രി 11.30 ഓടെ തീ​പി​ടിത്​തം ഉ​ണ്ടാ​യ​ത്. സ​മീ​പ​ത്ത് ക​ട ന​ട​ത്തു​ന്ന വ്യാ​പാ​രി​യാ​ണ് ക​ട​യിൽ നി​ന്നന് പു​ക ഉ​യ​രു​ന്ന​ത് ആ​ദ്യം ക​ണ്ട​ത്. തു​ടർ​ന്ന് സ​മീ​പ​വാ​സി​ക​ളെ​യും അ​ഗ്നി​ര​ക്ഷാ​ സം​ഘ​ത്തി​നെ​യും വി​വ​രം അ​റി​യി​ക്കു​ക​യാ​യി​രു​ന്നു.
നി​മി​ഷ നേ​ര​ങ്ങൾ​ക്കു​ള്ളിൽ ക​ട​പ്പാ​ക്ക​ട​യിൽ നി​ന്ന് അ​ഗ്നി​ര​ക്ഷാ​ ​സേ​ന സം​ഘമെ​ത്തി ഷ​ട്ട​റി​ന്റെ പൂ​ട്ട് പൊ​ളി​ച്ചാ​ണ് തീ ​കെ​ടു​ത്തി​യ​ത്. ക​ട​യു​ടെ മുൻ ഭാ​ഗ​ത്താ​യി സ്ഥാ​പി​ച്ചി​രു​ന്ന കൗ​ണ്ട​റും അ​തി​ലു​ണ്ടാ​യി​രു​ന്ന സാ​ധ​ന​ങ്ങ​ളും പൂർ​ണ​മാ​യും ക​ത്തി ന​ശി​ച്ചു. വാ​ഹ​ന​ങ്ങൾ​ക്കു​ള്ള ഓ​യി​ലിൽ തീ​പി​ടി​ക്കാതിരുന്നതി​നാൽ വൻ ദു​ര​ന്തം ഒ​ഴി​വാ​യി. ക​ട​പ്പാ​ക്ക​ട​യിൽ നി​ന്ന് അ​സി. ഗ്രേ​ഡ് സ്റ്റേ​ഷൻ ഓ​ഫീ​സർ അ​നിൽ​കു​മാ​റി​ന്റെ നേ​തൃ​ത്വ​ത്തിൽ സീ​നി​യർ ഫ​യർ​മാൻ ഹ​രീ​ഷ്, ഫ​യർ ആൻ​ഡ് റെ​സ്​ക്യൂ ഓ​ഫീ​സർ ഹ​രി​രാ​ജ്, ഫ​യർ ആൻ​ഡ് റെ​സ്​ക്യൂ ഓ​ഫീ​സർ ഡ്രൈ​വർ ഹ​രി​കു​മാർ എ​ന്നി​വ​ര​ട​ങ്ങി​യ സം​ഘം അ​ര​മ​ണി​ക്കൂ​റോ​ളം നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ് തീ​കെ​ടു​ത്തി​യ​ത്. നാ​ശ​ന​ഷ്ടം ക​ണ​ക്കാ​ക്കിയി​ട്ടി​ല്ല.