പ​ത്ത​നാ​പു​രം: കുടിവെള്ളത്തിന് അ​മി​തലാ​ഭം വേ​ണ്ട​ന്നാ​ണ് നാ​ട്ടു​കാ​രു​ടെ സ്വ​ന്തം സു​രേ​ന്ദ്രൻ ചേ​ട്ടൻ അന്നും ഇന്നും പ​റ​യു​ന്ന​ത്. ക​ച്ച​വ​ടം തു​ട​ങ്ങി​യത് മുതൽ കു​പ്പി​വെ​ള്ള​ത്തി​ന് പ​ത്ത് രൂ​പ​യേ വാങ്ങാറുള്ളു. പ​ത്ത് രൂ​പ​യ്​ക്ക് വിറ്റാലും ര​ണ്ട് രൂ​പ ലാ​ഭം കി​ട്ടും. പ​ത്ത​നാ​പു​രം പി​ട​വൂർ സ​ത്യൻ​മു​ക്കി​ലാ​ണ് സു​രേ​ന്ദ്രൻ ചേ​ട്ടന്റെ ക​ട.

പ​തി​മൂ​ന്ന് രൂ​പ​യ്​ക്ക് കു​പ്പി​വെ​ള്ളം നൽ​ക​ണ​മെ​ന്ന നി​യ​മം നി​ല​വിൽ വ​ന്നി​ട്ടും ഇ​രു​പ​ത് രൂ​പ​യ്​ക്ക് വി​ൽപ്പന തുടരുമ്പോഴാണ് സു​രേ​ന്ദ്രൻ വ്യ​ത്യ​സ്​ത​നാ​കു​ന്ന​ത്. ലോ​റി ഉ​ട​മയാ​യി​രു​ന്ന സു​രേ​ന്ദ്രൻ അ​ഞ്ച് വർ​ഷം മു​മ്പാ​ണ് സാ​മ്പ​ത്തി​ക പ്ര​തി​സ​ന്ധി​യെ തു​ടർ​ന്ന് 'സ്വ​ദേ​ശി' എ​ന്ന പേ​രിൽ സ​ത്യൻ​മു​ക്ക് ജം​ഗ്​ഷ​നിൽ ക​ട തു​ട​ങ്ങി​യ​ത്. നാ​ടൻ കാർ​ഷി​ക വി​ള​ക​ളും കു​റ​ഞ്ഞ വി​ല​യിൽ ഇ​വി​ടെ ലഭ്യമാണ്.

മോ​ട്ടോർ വാ​ഹ​ന​വ​കു​പ്പിൽ നി​ര​ന്ത​ര​മാ​യി വ​ലി​യ തു​ക 'പെ​റ്റി' നൽ​കേ​ണ്ടി വ​ന്ന​തോ​ടെ​യാ​ണ് ലോ​റി ബി​സി​ന​സ് ഉപേക്ഷിച്ചത്. വി​വി​ധ പ്ര​ദേ​ശ​ങ്ങ​ളിൽ നി​ന്നാ​യി നി​ര​വ​ധി പേ​രാ​ണ് വെ​ള്ളം വാ​ങ്ങാ​നാ​യി ഇ​വി​ടെ എ​ത്തു​ന്ന​ത്. ഫ്രി​ഡ്​ജിൽ വ​ച്ച് ത​ണു​പ്പി​ച്ച് നൽകിയാലും കു​പ്പി​വെ​ള്ള​ത്തിന് പ​ത്ത് രൂ​പയേ സുരേന്ദ്രൻ വാങ്ങാറുള്ളു.