 പരിശോധനാ ഫലം നെ​ഗ​റ്റീ​വ്

കൊ​ട്ടി​യം: ദു​ബാ​യിൽ നി​ന്ന് നാ​ട്ടി​ലെ​ത്തി നി​രീ​ക്ഷ​ണ​ത്തി​ലി​രി​ക്കെ ബൈ​ക്ക് അ​പ​ക​ട​ത്തിൽ പ​രി​ക്കേ​റ്റ യു​വാ​വ് മ​രി​ച്ചു. ഇ​ര​വി​പു​രം സർ​ഗ​ധാ​ര ന​ഗർ 73 വെ​ളി​യിൽ വീ​ട്ടിൽ ശ​ര​ത്താണ് (30) മ​രി​ച്ച​ത്. മൂന്ന് തവണ നടത്തിയ കൊറോണ പ​രി​ശോധനയിൽ ഫലം നെഗറ്റീവായിരുന്നു.
ക​ഴി​ഞ്ഞ 15ന് വീ​ടി​ന് സ​മീ​പം എ.കെ.ജി ജംഗ്ഷ​നി​ലാ​യി​രു​ന്നു അ​പ​ക​ടം. മാർ​ച്ച് 6നാണ് ശരത്ത് നാ​ട്ടി​ലെ​ത്തി​യ​ത്. തു​ടർ​ന്ന് ആ​രോ​ഗ്യ വ​കു​പ്പ് അ​ധി​കൃ​ത​രു​ടെ നിർ​ദേ​ശ​പ്ര​കാ​രം വീ​ട്ടിൽ നി​രീ​ക്ഷ​ണ​ത്തി​ലാ​യി​രു​ന്നു. ഇ​തി​നി​ടെ രാ​ത്രി പ​ത്തോടെ വീ​ടി​ന​ടു​ത്തു​ള്ള സ​ഹോ​ദ​ര​ന്റെ വീ​ട്ടി​ലേ​ക്ക് ഭാ​ര്യ രേ​ഖ​യ്ക്കും മകൾ ഋ​തുവിനുമൊപ്പം ബൈ​ക്കിൽ പോ​യി മ​ട​ങ്ങുമ്പോൾ അ​മി​ത വേ​ഗ​ത​യി​ൽ എത്തിയ മറ്റൊരു ബൈ​ക്ക് ഇ​ടി​ക്കുക​യാ​യി​രു​ന്നു. അ​പ​ക​ട​ത്തിൽ രേ​ഖ​യ്​ക്കും ഋ​തു​വി​നും പ​രി​ക്കേ​റ്റി​രു​ന്നു. എ​തി​രെ വ​ന്ന ബൈ​ക്ക് ഓ​ടി​ച്ചി​രു​ന്ന ഇ​ര​വി​പു​രം കാ​വൽ പു​ര സ്‌​നേ​ഹ​ന​ഗർ 10 അ​നി​ത മ​ന്ദി​ര​ത്തിൽ അ​ഖിൽ താ​ജ് (24) അ​ന്നുത​ന്നെ മ​രി​ച്ചി​രു​ന്നു. സാ​ര​മാ​യി പ​രി​ക്കേ​റ്റ ശ​രത്തി​നെ ഉ​ടൻ ജി​ല്ലാ ആ​ശു​പ​ത്രി​യിൽ എ​ത്തി​ച്ച് പ്രാ​ഥ​മി​ക ചി​കി​ത്സ​കൾ നൽ​കി​യി​രു​ന്നു. അ​തീ​വ ഗു​രു​ത​രാ​വ​സ്ഥ​യി​ലാ​യി​രു​ന്ന​തി​നാൽ പി​ന്നീ​ട് തി​രു​വ​ന​ന്ത​പു​രം മെ​ഡി​ക്കൽ കോ​ളേ​ജ് ആ​ശു​പ​ത്രി​യി​ലേ​ക്ക് മാ​റ്റി. അ​വി​ടെ ചി​കി​ത്സ​യി​ലി​രി​ക്കെ ശ​നി​യാ​ഴ്​ച വൈ​കി​ട്ടോ​ടെ​യാ​യി​രു​ന്നു മ​ര​ണം.