 മുന്നൂറോളം വാഹനങ്ങൾ പിടിച്ചെടുത്തു

 തിരികെ കിട്ടാൻ 21 ദിവസം കഴിയും

കൊല്ലം: ലോക്ക് ഡൗൺ നിർദേശങ്ങൾ അവഗണിച്ച് കാഴ്ചകൾ കാണാൻ നിരത്തിൽ ഇറങ്ങിയവർക്കെതിരെ കൊല്ലം ജില്ലയിൽ 316 കേസുകൾ രജിസ്റ്റർ ചെയ്തു. ഇതിൽ 210 കേസുകൾ സിറ്റി പൊലീസ് പരിധിയിലാണ്. നിയന്ത്രണങ്ങളെ ആഘോഷമായി കണ്ട് പുറത്തിറങ്ങിയ 180 പേരെ സിറ്റി പൊലീസ് അറസ്റ്റ്‌ ചെയ്തു. 195 വാഹനങ്ങൾ പിടിച്ചെടുത്തു. ഇതിൽ മിക്ക വാഹനങ്ങളും 21 ദിവസങ്ങൾക്ക് ശേഷം മാത്രമേ തിരികെ കൊടുക്കൂ. അഴീക്കൽ ഹാർബറിൽ നിയന്ത്രങ്ങൾ അവഗണിച്ച് ഒത്തുചേർന്ന 16 പേർക്കെതിരെ കേസെടുത്ത് നാലുപേരെ അറസ്റ്റ്‌ ചെയ്തു. റൂറൽ പൊലീസ് ജില്ലയിൽ 106 കേസുകളാണ് രജിസ്റ്റർ ചെയ്തത്. പുനലൂർ ആർ.പി.എൽ ഫാക്ടറിയില്‍ 30 തൊഴിലാളികളെ നിർബന്ധിച്ച് ജോലി ചെയ്യിച്ച അസി. മാനേജർ വിമൽ രാജിനെ കുളത്തൂപ്പുഴ പൊലീസ് അറസറ്റ് ചെയ്തു. പിന്നീട് ജാമ്യത്തിൽ വിട്ടു.

ഏ​രൂർ പൊ​ലീ​സ് അ​തിർ​ത്തി​യിൽ വി​ദേ​ശ​ത്ത് നി​ന്നുവ​ന്ന ശേ​ഷം നി​രീ​ക്ഷ​ണ​ത്തിൽ ഇ​രി​ക്കാ​തെ പു​റ​ത്തി​റ​ങ്ങി ന​ട​ന്ന ഇ​ള​വ​റാം​കു​ഴി ച​രി​വു​കാ​ലാ​യിൽ വീ​ട്ടിൽ സുൾ​ഫി​ക്കർ, ഷീ​ജാ​മൻ​സി​ലിൽ ഷി​ഹാ​ബ് എ​ന്നി​വർ​ക്കെ​തി​രെ കേ​സെ​ടു​ത്തു. വെ​ട്ടി​ക്ക​വ​ല​യിൽ 40 ലേ​റെ പേ​രെ പ​ങ്കെ​ടു​പ്പി​ച്ച് വി​വാ​ഹം ന​ട​ത്തി​യ​തി​ന് വ​ധു​വി​ന്റെ പി​താ​വ് രാ​ജേ​ന്ദ്രൻ ആ​ചാ​രി​യെ അ​റ​സ്റ്റ് ചെ​യ്​ത് ജാ​മ്യ​ത്തിൽ വി​ട്ടു. നെ​ടു​വ​ത്തൂർ പ​ഞ്ചാ​യ​ത്തിൽ അ​നു​വാ​ദ​മി​ല്ലാ​തെ ബഡ്​ജ​റ്റ് ന​മ്മേ​ള​നം ന​ട​ത്തി​യ​തി​ന് പ​ഞ്ചാ​യ​ത്ത് വൈ​സ്​പ്ര​സി​ഡന്റ് ഉൾ​പ്പെ​ടെ നാ​ലു പേ​രെ കൊ​ട്ടാ​ര​ക്ക​ര പൊ​ലീ​സ് അ​റസ്റ്റ്​ ചെ​യ്​തു. നി​യ​മ​ലം​ഘ​നം ശ്ര​ദ്ധ​യിൽ​പ്പെ​ടു​ന്ന​വർ​ക്ക് കൊ​ല്ലം റൂ​റൽ ജി​ല്ലാ ആ​സ്ഥാ​ന​ത്തെ 0474 2450868, 112 എ​ന്നീ ന​മ്പ​രു​ക​ളിൽ വി​ളി​ച്ച​റി​യി​ക്കാം.