കുണ്ടറ: ലോക്ക് ഡൗണിനെ തുടർന്ന് അവശ്യസാധനങ്ങൾക്ക് വിലക്കയറ്റമുണ്ടാകില്ലെന്ന സംസ്ഥാന സർക്കാരിന്റെയും ജില്ലാ ഭരണകൂടത്തിന്റെയും ഉറപ്പിന് വിലകല്പിക്കാതെ ജില്ലയിൽ വിവിധയിടങ്ങളിൽ സാധനങ്ങൾക്ക് വ്യത്യസ്ത വിലകൾ. പച്ചക്കറികൾക്കും സ്റ്റേഷനറി സാധനങ്ങൾക്കും ഇരട്ടിയിലേറെ തുക ഈടാക്കുന്നതായും ഓരോ കടകളിലും ഓരോ വിലയാണ് ഈടാക്കുന്നതെന്നും വ്യാപക പരാതിയുണ്ട്.

ചില്ലറ വില്പനക്കാരും വഴിയോര കച്ചവടക്കാരുമാണ് വിലയിൽ യാതൊരു നിയന്ത്രണവും പാലിക്കാത്തത്. തമിഴ്‌നാട്ടിൽ നിന്ന് പച്ചക്കറികൾ എത്താത്തതാണ് വില വർദ്ധനവിന് കാരണമെന്നാണ് പച്ചക്കറി വ്യാപാരികളുടെ വാദം. എന്നാൽ പഴങ്ങൾക്ക് എന്തുകൊണ്ട് വില വർദ്ധനയുണ്ടാകുന്നില്ലെന്നാണ് നാട്ടുകാർ തിരിച്ച് ചോദിക്കുന്നത്.

നിലവിലെ സാഹചര്യത്തിൽ വിഷയത്തിൽ സജീവമായി ഇടപെടേണ്ട ഉദ്യോഗസ്ഥരുടെ അനാസ്ഥയിൽ ജനങ്ങൾ പ്രതിഷേധത്തിലാണ്. അമിതവില ഈടാക്കുന്ന സ്ഥാപനങ്ങൾക്ക് കടുത്ത പിഴയീടാക്കുകയും അടച്ചുപൂട്ടുകയും ചെയ്യണമെന്നാണ് നാട്ടുകാരുടെ ആവശ്യം.

 കുണ്ടറയിൽ തക്കാളി കിട്ടും 42നും 80നും

ദിവസങ്ങൾക്ക് മുമ്പ് 20 രൂപ മാത്രമുണ്ടായിരുന്ന തക്കാളിക്ക് കുണ്ടറയിലെ ചില വ്യാപാരികൾ ഈടാക്കുന്നത് ഒരു കിലോയ്ക്ക് 80 രൂപ വരെയാണ്. അതേസമയം 42 രൂപ ഈടാക്കുന്ന വ്യാപാരികളുമുണ്ട്. കിലോയ്ക്ക് 60 രൂപയായിരുന്ന ചുവന്നുള്ളിക്ക് 130 വരെയാണ് ഈടാക്കുന്നത്.

കുണ്ടറ പള്ളിമുക്ക് മുതൽ ഇളമ്പള്ളുർ വരെയുള്ള പച്ചക്കറികളുടെ വില നിലവാരം പരിശോധിച്ചാൽ കടകൾ തമ്മിൽ 30 രൂപ വരെ വ്യത്യാസമുള്ളതായി കാണാം. 40 രൂപയുണ്ടായിരുന്ന കോഴിക്ക് ഇന്നലെ കിലോയ്ക്ക് 125 വരെയാണ് ചില്ലറ വിൽപനക്കാർ ഈടാക്കിയത്. വ്യാപാരികൾ അമിതവില ഈടാക്കുന്നതായി നാട്ടുകാർ അധികൃതരെ ഫോണിൽ വിളിച്ചറിയിച്ചിട്ടും യാതൊരു നടപടിയുമുണ്ടായില്ല.

 മ​ല​യോ​ര​ ​മേ​ഖ​ല​യി​ലും​ ​കൊ​ള്ള

പു​ന​ലൂ​ർ​:​ ​കി​ഴ​ക്ക​ൻ​ ​മ​ല​യോ​ര​ ​മേ​ഖ​ല​യി​ൽ​ ​നി​ത്യോ​പ​യോ​ഗ​ ​സാ​ധ​ന​ങ്ങ​ളു​ടെ​ ​വി​ല​ ​കു​തി​ച്ചു​യ​രു​ന്നു.​ ​പു​ന​ലൂ​ർ​ ​ന​ഗ​ര​സ​ഭാ​ ​പ്ര​ദേ​ശ​ങ്ങ​ൾ​ക്ക് ​പു​റ​മേ​ ​ആ​ര്യ​ങ്കാ​വ്,​ ​തെ​ന്മ​ല,​ ​ക​ര​വാ​ളൂ​ർ​ ​പ​ഞ്ചാ​ത്തു​ക​ളി​ലും​ ​സാ​ധ​ന​ങ്ങ​ൾ​ക്ക് ​ക​ച്ച​വ​ട​ക്കാ​ർ​ ​ഇ​ര​ട്ടി​യി​ൽ​ ​അ​ധി​കം​ ​വി​ല​യാ​ണ് ​ഈ​ടാ​ക്കു​ന്ന​ത്.​ ​പ​ച്ച​ക്ക​റി,​ ​പ​ല​ച​ര​ക്ക്,​ ​കോ​ഴി​യി​റ​ച്ചി,​ ​മ​ത്സ്യം​ ​അ​ട​ക്ക​മു​ള്ള​ ​സാ​ധ​ന​ങ്ങ​ൾ​ക്കാ​ണ് ​വി​ല​ ​കൂ​ട്ടി​യ​ത്.​ ​ക​ഴി​ഞ്ഞ​ ​ആ​ഴ്ച​യി​ൽ​ 50​ ​രൂ​പ​ ​ആ​യി​രു​ന്ന​ ​ഒ​രു​ ​കി​ലോ​ ​ചെ​റി​യ​ ​ഉ​ള്ളി​ക്ക് ​ഇ​പ്പോ​ൾ​ 125​ ​രൂ​പ​യാ​ണ് ​ഈ​ടാ​ക്കു​ന്ന​ത്.​ ​സ​വാ​ള​ ​വി​ല​ 40​ ​രൂ​പ​യി​ൽ​ ​നി​ന്ന് 55​ ​രൂ​പ​യാ​യി​ ​കൂ​ടി.​ ​‌​മ​ട്ട,​ ​ജ​യ​ ​തു​ട​ങ്ങി​യ​ ​ക​മ്പ​നി​ക​ളു​ടെ​ ​അ​രി​ക്കും​ ​ഉ​ഴു​ന്ന്,​ ​പ​ഞ്ച​സാ​ര,​ ​പ​രി​പ്പ്,​ ​പ​യ​ർ,​ ​ക​ട​ല,​ ​മു​ള​ക്,​ ​മ​ല്ലി​ ​തു​ട​ങ്ങി​യ​വ​യ്ക്കും​ ​അ​മി​ത​ ​വി​ല​യാ​ണ് ​ഈ​ടാ​ക്കു​ന്ന​ത്.​ ​ക​ഴി​ഞ്ഞ​ ​ആ​ഴ്ച​യി​ൽ​ ​ഒ​രു​ ​കി​ലോ​ ​കോ​ഴി​യി​റ​ച്ചി​ 100​ ​രൂ​പ​യ്ക്ക് ​വി​റ്റി​രു​ന്നു.​ ​ഇ​ന്ന​ലെ​ ​അ​ത് 150​ ​രൂ​പ​യാ​യി​ ​ഉ​യ​ർ​ന്നു.​

​ അ​മി​ത​ ​വി​ല​ ​ഈ​ടാ​ക്കി​യ​തി​നും​ ​വി​ല​വി​വ​ര​പ്പ​ട്ടി​ക​ ​പ്ര​ദ​ർ​ശി​പ്പി​ക്കാ​ത്ത​തി​നും​ 4​ ​ക​ച്ച​വ​ട​ക്കാ​ർ​ക്കെ​തി​രെ​ ​കേ​സെ​ടു​ത്തി​ട്ടു​ണ്ട്.​ ​വി​വി​ധ​ ​വ​കു​പ്പു​ക​ളി​ലെ​ ​ഉ​ദ്യോ​ഗ​സ്ഥ​രെ​ ​പ​ങ്കെ​ടു​പ്പി​ച്ച് ​പ​രി​ശോ​ധ​ന​ ​വ്യാ​പി​പ്പി​ക്കും.
പു​ന​ലൂ​ർ​ ​താ​ലൂ​ക്ക് ​സി​വി​ൽ​ ​സ​പ്ലൈ​ ​ഓ​ഫീ​സ​ർ​ ​ജോ​ൺ​ ​തോ​മ​സ്