 മറ്റാരിലേക്കും പടരാതിരിക്കാൻ തീവ്ര പ്രതിരോധം

കൊല്ലം: പ്രാക്കുളം സ്വദേശിക്ക് കൊറോണ സ്ഥിരീകരിച്ചതിന് പിന്നാലെ പ്രതിരോധ പ്രവർത്തനങ്ങൾ യുദ്ധകാലാടിസ്ഥാനത്തിൽ പുരോഗമിക്കുന്നു. രോഗിയുമായി അടുത്തിടപഴകിയ മിക്കവരെയും കണ്ടെത്തി ഗൃഹ നിരീക്ഷണത്തിലാക്കി. ഇദ്ദേഹം പ്രാഥമിക ചികിത്സ തേടിയ മൂന്ന് ആശുപത്രികളിലെ ജീവനക്കാരും ഇതിൽ ഉൾപ്പെടും.

പ്രാക്കുളത്തെ കൊറോണ സ്ഥിരീകരണത്തിന് ശേഷം ജില്ലാ ഭരണകൂടവും ആരോഗ്യ വകുപ്പും നടത്തിയ ഇടപെൽ ഇങ്ങനെ:

1. കൊ​റോ​ണ സ്ഥി​രീ​ക​രി​ച്ച പ്രാ​ക്കു​ളം സ്വ​ദേ​ശി എ​ത്തി​യ ഇ.കെ 522 എമിറേ​റ്റ്‌​സ് വി​മാ​ന​ത്തി​ലെ സ​ഹ​യാ​ത്ര​ക്കാ​രു​ടെ വി​വ​ര​ങ്ങൾ ശേ​ഖ​രി​ക്കാൻ തി​രു​വ​ന​ന്ത​പു​രം ഡി.എം.ഒ​യ്​ക്ക് നിർ​ദേ​ശം നൽ​കി.

2. അ​ദ്ദേ​ഹ​വു​മാ​യി അ​ടു​ത്ത് ഇ​ട​പ​ഴ​കി​യ ആ​ളു​ക​ളു​ടെ സാ​മ്പി​ളു​കൾ ശേ​ഖ​രി​ച്ചു (ലഭിച്ചവരുടെ സാ​മ്പി​ളു​കൾ)

3. പാ​രി​പ്പ​ള്ളി മെ​ഡി​ക്കൽ കോ​ളേ​ജ് ആ​ശു​പ​ത്രി​യിൽ ചി​കി​ത്സ​യിൽ ക​ഴി​യു​ന്ന രോ​ഗി​യു​ടെ ആ​രോ​ഗ്യ നി​ല തൃ​പ്​തി​ക​രം​.

4.ഇ​ദ്ദേ​ഹം ചി​കി​ത്സ തേ​ടി​യ എ​ല്ലാ ആ​ശു​പ​ത്രി​ക​ളി​ലും ലോ​കാ​രോ​ഗ്യ സം​ഘ​ട​ന നിർ​ദേ​ശി​ക്കു​ന്ന പ്രോ​ട്ടോ​കോൾ പ്ര​കാ​ര​മു​ള്ള തു​ടർ ന​ട​പ​ടി​കൾ സ്വീ​ക​രി​ച്ചു.

5. തൃ​ക്ക​രു​വ ആ​രോ​ഗ്യ കേ​ന്ദ്ര​ത്തി​ലേ​ക്ക് രോ​ഗി​യെ കൊ​ണ്ടു​പോ​യ ആം​ബു​ലൻ​സ് ഫ​യർ​ഫോ​ഴ്‌​സി​ന്റെ സ​ഹാ​യ​ത്തോ​ടെ അ​ണു​വി​മു​ക്ത​മാ​ക്കി.

6. രോ​ഗി​യു​മാ​യി ബ​ന്ധ​പ്പെ​ട്ട എ​ല്ലാ ആ​രോ​ഗ്യപ്ര​വർ​ത്ത​ക​രും നി​രീ​ക്ഷ​ണ​ത്തിൽ പ്ര​വേ​ശി​ച്ചു. ആ​ശു​പ​ത്രി​ പൂർ​ണ​മാ​യും അ​ണു​വി​മു​ക്ത​മാ​ക്കി.

7. പ​ക​രം ജീ​വ​ന​ക്കാ​രെ നി​യോ​ഗിച്ചാ​ണ് ആ​രോ​ഗ്യ കേ​ന്ദ്രം ഇ​പ്പോൾ പ്ര​വർ​ത്തി​ക്കു​ന്ന​ത്.

8. രോ​ഗി ചി​കി​ത്സ തേ​ടി​യ ചി​ന്ന​ക്ക​ട ദേ​വി ക്ലി​നി​ക് അ​ട​ച്ചു. ക്ലി​നി​ക്കിൽ രോ​ഗി​യു​മാ​യി സ​മ്പർ​ക്കം പു​ലർ​ത്തി​യ എ​ല്ലാ ജീ​വ​ന​ക്കാ​രെ​യും ഗൃ​ഹ​നി​രീ​ക്ഷ​ണ​ത്തിൽ പ്ര​വേ​ശി​പ്പി​ച്ചു. ഫ​യർ​ഫോ​ഴ്‌​സ് ക്ലി​നി​ക് അ​ണു​വി​മു​ക്ത​മാ​ക്കി.

9. ദേ​വി ക്ലി​നി​ക്കി​ന് സ​മാ​ന്ത​ര സം​ഘം ഉ​ള്ള​തി​നാൽ ആ​ശു​പ​ത്രി വൈ​കാ​തെ വീ​ണ്ടും പ്ര​വർ​ത്ത​ന​ക്ഷ​മ​മാ​ക്കും.

10. ഇ​ദ്ദേ​ഹം ചി​കി​ത്സ തേ​ടി​യ അ​ഞ്ചാ​ലും​മൂ​ട് പി.എൻ.എൻ ആ​ശു​പ​ത്രി​യും അ​ട​ച്ചു.

11. ഇ​വി​ടെ​യു​ണ്ടാ​യി​രു​ന്ന എ​ല്ലാ ജീ​വ​ന​ക്കാ​രെ​യും ഗൃ​ഹനി​രീ​ക്ഷ​ണ​ത്തി​ലാ​ക്കി. ഫ​യർ​ഫോ​ഴ്‌​സ് സം​വി​ധാ​നം ഉ​പ​യോ​ഗി​ച്ച് ആ​ശു​പ​ത്രി അ​ണു​വി​മു​ക്ത​മാ​ക്കി.

12. ജീ​വ​ന​ക്കാ​രു​ടെ ഗൃ​ഹനി​രീ​ക്ഷ​ണ കാ​ലാ​വ​ധി പൂർ​ത്തി​യാ​ക്കി​യ ശേ​ഷ​മേ ആ​ശു​പ​ത്രി തു​റ​ന്ന് പ്ര​വർ​ത്തി​പ്പിക്കു​കയു​ള്ളൂ.

13.ദേ​വി ക്ലി​നി​ക്കി​ലും പി.എൻ.എൻ ആ​ശു​പ​ത്രി​യി​ലും ഉ​ണ്ടാ​യി​രു​ന്ന മു​ഴു​വൻ രോ​ഗി​ക​ളെ​യും മ​റ്റ് ആ​ശു​പ​ത്രി​ക​ളി​ലേ​ക്ക് മാ​റ്റി. ഇ​വ​രെ പ്ര​ത്യേ​കം മു​റി​ക​ളിൽ സർ​ക്കാർ മാർ​ഗ​നിർ​ദേ​ശം അ​നു​സ​രി​ച്ച് പ​രി​ച​രി​ക്കും. 14. രോ​ഗി തൃ​ക്ക​രു​വ പി.എ​ച്ച്.സി​യി​ലേ​ക്ക് സ​ഞ്ച​രി​ച്ച ആ​ട്ടോ ഏ​താ​ണെ​ന്ന് തി​രി​ച്ച​റി​ഞ്ഞി​ട്ടു​ണ്ട്. ഡ്രൈ​വ​റോ​ടും കു​ടും​ബാം​ഗ​ങ്ങ​ളോ​ടും ഗൃ​ഹ​നി​രീ​ക്ഷ​ണ​ത്തിൽ പ്ര​വേ​ശി​ക്കാൻ ആ​വ​ശ്യ​പ്പെ​ട്ടു.

15.ദേ​വി ക്ലി​നി​ക്കിൽ പോ​യ​തി​ന് ശേ​ഷം തി​രി​കെ വ​രു​മ്പോൾ ചാ​യ​കു​ടി​ച്ച ആ​ല​പ്പാ​ട് ഹോ​ട്ടൽ അ​ട​ച്ചി​രി​ക്കു​ക​യാ​ണ്. പൊ​ലീ​സ് സ​ഹ​യ​ത്തോ​ടെ ഉ​ട​മ​യെ​യും ആ സ​മ​യ​ത്ത് അ​വി​ടെ ഉ​ണ്ടാ​യി​രു​ന്ന മു​ഴു​വൻ ആ​ളു​ക​ളെ​യും ക​ണ്ടെ​ത്തി ഗൃ​ഹ​നി​രീ​ക്ഷ​ണ​ത്തിലാക്കി.

ക​ണ്ടെ​ത്തേ​ണ്ട വി​വ​ര​ങ്ങൾ

1. 18ന് രാ​വി​ലെ 4.45ന് രോ​ഗി ത​മ്പാ​നൂ​രിൽ നി​ന്ന് പു​റ​പ്പെ​ട്ട് കൊ​ല്ല​ത്തെ​ത്തി​യ കെ.എ​സ്.ആർ.ടി.സി ബസി​ന്റെ വി​വ​ര​ങ്ങൾ.

2. ഡ്രൈ​വർ, ക​ണ്ട​ക്ടർ, സ​ഹ​യാ​ത്രക്കാർ എ​ന്നി​വ​രു​ടെ വി​വ​ര​ങ്ങൾ അ​റി​യേ​ണ്ട​തു​ണ്ട്.

3. കൊ​ല്ലം വേ​ളാ​ങ്ക​ണ്ണി പ​ള്ളി​ക്ക് സ​മീ​പം രാ​വി​ലെ 6.30ന് ബ​സ് ഇ​റ​ങ്ങി​യ ശേ​ഷം യാ​ത്ര ചെ​യ്​ത ആ​ട്ടോ ക​ണ്ടെ​ത്താ​നാ​യി​ല്ല.

4. 19ന് രാ​വി​ലെ 8.45ന് ദേ​വി ക്ലി​നി​ക്കി​ലേ​ക്കും 11.20ന് തി​രി​കെ​യും യാ​ത്ര ചെ​യ്​ത ആ​ട്ടോ സം​ബ​ന്ധി​ച്ച വി​വ​ര​ങ്ങൾ ല​ഭി​ച്ചി​ട്ടി​ല്ല.