എഴുകോൺ: പ്ലാവിൽ നിന്ന് ചക്ക അടർത്തുനത്തിനിടെ ഷോക്കേറ്റ് ചികിത്സയിൽ കഴിഞ്ഞിരുന്ന റിട്ട. റെയിൽവേ ജീവനക്കാരൻ മരിച്ചു. കാക്കാകോട്ടൂർ ഈലിയോട് മണി മന്ദിരത്തിൽ വിശ്വമൂർത്തിയാണ് (64) മരിച്ചത്. 29ന്‌ ഉച്ചയ്ക്ക് 3.30 ഓടെയായിരുന്ന് അപകടം. പറമ്പിലെ പ്ലാവിൽ നിന്ന് ചക്ക അടർത്തുന്നതിനിടെ ഇരുമ്പ് തോട്ടി സമീപത്തെ വൈദ്യുതി ലൈനിൽ തട്ടി ഷോക്ക് എൽക്കുകയായിരുന്നു. തുടർന്ന് കൊട്ടാരക്കരയിലെ സ്വകാര്യ ആശുപത്രിയിൽ എത്തിച്ചെങ്കിലും ഇന്നലെ ഉച്ചയോടെ മരിച്ചു. എസ്.എൻ.ഡി.പി യോഗം കാക്കക്കോട്ടൂർ 1107-ാം നമ്പർ ശാഖാ ഭരണ സമിതിയംഗം ആയിരുന്നു. ഭാര്യ: രാധാമണി. മക്കൾ: ശ്യാം, വിപിൻ. മരുമകൾ ആര്യ. സംസ്കാരം ഇന്ന് രാവിലെ 11ന്‌ വീട്ടുവളപ്പിൽ.