തൃശൂർ: ബോട്ടിന്റെ എൻജിൻ തകരാറിലായതിനെ തുടർന്ന് കടലിൽ കുടുങ്ങിയ ഏഴ് മത്സ്യത്തൊഴിലാളികളെ ഫിഷറീസ് ഉദ്യോഗസ്ഥർ രക്ഷിച്ചു. പൊന്നാനിയിൽ നിന്നും മത്സ്യബന്ധനത്തിനായി പുറപ്പെട്ട സെയിൻ മോൻ എന്ന ബോട്ടിലെ മത്സ്യത്തൊഴിലാളികളെയാണ് രക്ഷിച്ചത്. അഴീക്കോട് നിന്നും ഏഴ് നോട്ടിക്കൽ മൈൽ അകലെ വച്ചാണ് മത്സ്യബന്ധനത്തിനിടെ ബോട്ട് എൻജിൻ തകരാറിലായി കടലിൽ അകപ്പെട്ടത്. തുടർന്ന് ഫിഷറീസ് ഡെപ്യൂട്ടി ഡയറക്ടർ സുഗതകുമാരിയുടെ നിർദ്ദേശപ്രകാരം അഴീക്കോട് നിന്നുള്ള ഫിഷറീസ് ഉദ്യോഗസ്ഥർ രക്ഷാപ്രവർത്തനം നടത്തി ഇവരെ കരയിലെത്തിച്ചു.