തൃശൂർ: ജില്ലയിൽ പുതിയ കൊറോണ രോഗ സ്ഥിരീകരണമില്ലാത്ത ദിവസമായിരുന്നു ഇന്നലെ. ഇതുവരെ തൃശൂർ ജില്ലയിൽ മൂന്ന് പേർക്കാണ് രോഗം സ്ഥിരീകരിച്ചത്. ഒരാൾ ചൈനയിൽ നിന്നെത്തിയ വിദ്യാർത്ഥിയും മറ്റൊരാൾ ഖത്തറിൽ നിന്നും എത്തിയ യുവാവുമായിരുന്നു. ഇവർ രണ്ട് പേരും രോഗവിമുക്തരായി ആശുപത്രി വിട്ടു. ഫ്രാൻസിൽ നിന്നെത്തിയ യുവതിയാണ് ഇപ്പോൾ ആശുപത്രിയിലുള്ളത്.

നിരീക്ഷണത്തിൽ കഴിയുുന്നത് 12462 പേരാണ്. ഇന്നലെ ലഭിച്ച 5 പരിശോധനാ ഫലങ്ങളും നെഗറ്റീവാണ്. 12425 പേർ വീടുകളിലും 37 പേർ ആശുപത്രികളിലുമാണ് നിരീക്ഷണത്തിലുളളത്. 11 പേരെ ഇന്നലെ ആശുപത്രിയിൽ പ്രവേശിപ്പിച്ചു. മൂന്ന് പേരെ ഡിസ്ചാർജ്ജ് ചെയ്തു. 31 പേരുടെ സാമ്പിളുകൾ ഇന്നലെ പരിശോധനയ്ക്ക് അയച്ചു. ഇതു വരെ 512 പേരുടെ സാമ്പിളുകളാണ് ആകെ പരിശോധനയ്ക്ക് അയച്ചത്. ഇതിൽ 438 എണ്ണത്തിന്റെയും ഫലം ലഭിച്ചു. 74 പേരുടെ ഫലം ഇനിയും കിട്ടാനുണ്ട്.

കൺട്രോൾ സെല്ലിലേക്ക് ആകെ 598 ഫോൺ ലഭിച്ചു. സൈക്കോസോഷ്യൽ കൗൺസിലർമാർ നൽകുന്ന കൗൺസലിംഗ് തുടരുകയാണ്. ഇതരസംസ്ഥാനങ്ങളിൽ നിന്നുളള ലോറി ഡ്രൈവർമാർ, ക്ലീനർമാർ, ഓട്ടോറിക്ഷാ ഡ്രൈവർമാർ തുടങ്ങിയവർക്ക് ബോധത്കരണവും സ്‌ക്രീനിംഗും നടത്തി. ശക്തൻ മാർക്കറ്റിൽ ഇതരസംസ്ഥാന ലോറി ഡ്രൈവർമാർക്ക് തുടർച്ചയായി സ്‌ക്രീനിംഗ് സംഘടിപ്പിച്ചു.