പാറശാല: ചെങ്കൽ ഗ്രാമ പഞ്ചായത്തിലെ വ്ലാത്താങ്കരയിൽ പോസ്റ്റൽ ഡിപ്പാർട്ട്മെന്റ് പുതുതായി അനുവദിച്ച പോസ്റ്റ് ഓഫീസ് ചെങ്കൽ സർവീസ് കോ - ഓപ്പറേറ്റീവ് ബാങ്ക് പ്രസിഡന്റ് എം.ആർ. സൈമൺ ഭദ്രദീപം തേളിയിച്ച് ഉദ്‌ഘാടനം ചെയ്തു. വ്ലാത്താങ്കര അസംപ്‌ഷൻ ചർച്ച് വികാരി ഫാ.വി.പി. ജോസ്, ചെങ്കൽ ഗ്രാമ പഞ്ചായത്ത് അംഗങ്ങളായ പുഷ്പറാണി, മിനി, മുൻ വാർഡ് മെമ്പർ എം. വർഗീസ് നാടാർ, പോസ്റ്റൽ ഡിപ്പാർട്ട്മെന്റ് അംഗങ്ങളായ ഇൻസ്‌പെക്ടർ ഓഫ് പോസ്റ്റ് ഓഫീസ് അജിത്, പോസ്റ്റ് മാസ്റ്റർ ക്ലാര തുടങ്ങിയവർ പങ്കെടുത്തു.