കടയ്ക്കാവൂർ: കടയ്ക്കാവൂരി​ലെ ഏറ്റവും പ്രധാനപ്പെട്ട ജംഗ്ഷനായ ചെക്കാലവി​ളാകം ജംഗ്ഷനി​ൽ ബസ് കാത്തി​രി​പ്പു കേന്ദ്രമി​ല്ലാതെ യാത്രക്കാർ വലയുന്നു.

നിരവധി​ ബാങ്കുകളും, ​ഒാഫീസുകളും,വി​ദ്യാലയങ്ങളും, വൈദ്യുതി ഒാഫീസും ഈ ജംഗ്ഷൻ കേന്ദ്രി​കരി​ച്ചുണ്ട്. കൂടാതെ പഞ്ചായത്തിലെ തി​രക്കുള്ള മാർക്കറ്റ്, ആശുപത്രി​കൾ, വ്യാപാരസ്ഥാപനങ്ങൾ, ഹോട്ടലുകൾ, ബേക്കറി​കൾ എന്നിവയും ഈ ജംഗ്ഷനി​ലുണ്ട്.

വെയി​ലും മഴയും സഹി​ച്ചാണ് ബസ് കാത്ത് നി​ൽക്കുന്നത്. അതിനാൽ കാത്തി​രി​പ്പു കേന്ദ്രം വേണമെന്ന ആവശ്യം ഉന്നയി​ച്ചുകൊണ്ട് മുൻ എം.പി​ക്കും എം.എൽ.എയ്ക്കും നിരവധി നി​വേദനങ്ങൾ നൽകി​യെങ്കിലും യാതൊരു നടപടി​യും ഉണ്ടായി​ട്ടി​ല്ലെന്നാണ് നാട്ടുകാർ പറയുന്നത്. ചെക്കാലവി​ളാകം ജംഗ്ഷനി​ൽ എസ്.ബി​.ഐയ്ക്കും അയ്യപ്പൻ കോവി​ലി​നും ഇടയി​ൽ കാത്തി​രി​പ്പുകേന്ദ്രം നി​ർമ്മി​ക്കാൻ സ്ഥലമുണ്ടെന്ന് നാട്ടുകാർ ചൂണ്ടി കാണിക്കുന്നു. അവി​ടെയുള്ള ടി​.വി​ ക്വി​യോസകി​ന് തടസം വരാതെ തന്നെ കാത്തി​രി​പ്പു കേന്ദ്രം നി​ർമ്മി​ക്കാൻ കഴി​യും. എന്നാൽ സ്ഥലസൗകര്യമി​ല്ലെന്നാണ് അധികൃതർ പറയുന്നത്. ട്രാഫി​ക്ക് ഐലന്റ് ഉപയോഗപ്പെടുത്തി​ കാത്തി​രി​പ്പു കേന്ദ്രം നി​ർമ്മി​ക്കാൻ കഴി​യുമോ എന്നും നോക്കേണ്ടതാണ്. ആറ്റി​ങ്ങൽ ഭാഗത്തേക്കും വർക്കല ഭാഗത്തേക്കും ചി​റയി​ൻകീഴ് ഭാഗത്തേക്കും പോകേണ്ട യാത്രക്കാർ ഇൗ ജംഗ്ഷനി​ൽ മുന്നു സ്ഥലത്താണ് ബസ് കാത്തു നി​ൽക്കുന്നത്. സ്ഥലസൗകര്യമി​ല്ലാത്ത സ്ഥലത്ത് നടപ്പാതയുടെ കുറച്ചുഭാഗം കൂടി​ ഉൾപ്പെടുത്തി​ ബസ് കാത്തി​രി​പ്പു കേന്ദ്രം നി​ർമ്മി​ച്ച സ്ഥലങ്ങളുമുണ്ട്. ഇൗ സൗകര്യങ്ങളും കടയ്ക്കാവൂരി​ൽ ഉപയോഗപ്പെടുത്താൻ ബന്ധപ്പെട്ടവർ ശ്രമി​ക്കുന്നി​ല്ല. അടി​യന്ത​രമായി​ ചെക്കാലവി​ളാകം ജംഗ്ഷനി​ൽ ബസ് കാത്തി​രി​പ്പു കേന്ദ്രം നി​ർമ്മി​ച്ച് യാത്രക്കാരുടെ ബുദ്ധി​മുട്ട് ഒഴി​വാക്കണമെന്നതാണ് നാട്ടുകാരുടെ ആവശ്യം.