കെ.എസ്.ആർ.ടി.സി ജീവനക്കാരുടെ മിന്നൽ സമരം ഇന്നലെ നഗരത്തിൽ വലച്ച ആറ് മണിക്കൂർ

 സമയം രാവിലെ 9.00
ആറ്റുകാൽ ഭാഗത്തേക്ക് പോകേണ്ട സ്വകാര്യബസ് കിഴക്കേകോട്ടയിലെ സ്‌റ്റാൻഡിലെത്തുന്നു

രാവിലെ 9.05
എ.റ്റി.ഒ സാം ലോപ്പസിന്റെ നേതൃത്വത്തിലുള്ള ഉദ്യോഗസ്ഥ സംഘം ബസ് തടയുന്നു

രാവിലെ 9.10
ബസിന്റെ സർവീസ് അനധികൃതമാണെന്നും പിടിച്ചെടുക്കുമെന്നും ഉദ്യോഗസ്ഥർ

രാവിലെ 9.20
ഉദ്യോഗസ്ഥരും ജീവനക്കാരും തമ്മിൽ വാക്കേറ്റം

രാവിലെ 9.30
ഫോർട്ട് സി.ഐയുടെ നേതൃത്വത്തിൽ പൊലീസ് സംഘമെത്തുന്നു,​ ബസിനെ പോകാൻ അനുവദിക്കണമെന്ന് പൊലീസ്

രാവിലെ 9.35
ഉദ്യോഗസ്ഥരും പൊലീസും തമ്മിൽ വാക്കേറ്റം,​ ഉന്തുംതള്ളും,​ എ.റ്റി.ഒയെയും ഉദ്യോഗസ്ഥനെയും പിടിച്ചുതള്ളി

രാവിലെ 9.45
ഇതിനിടെ സ്വകാര്യ ബസിനെ പോകാൻ പൊലീസ് അനുവദിച്ചു,​ ബഹളം തുടരുന്നു

രാവിലെ 10
സിറ്റി സ്റ്റേഷൻ മാസ്റ്റർ അനിൽകുമാർ അടിവയറ്റിന് ചവിട്ടേറ്റ് വീഴുന്നു,​ തുടർന്ന് ആശുപത്രിയിലേക്ക് കൊണ്ടുപോയി

രാവിലെ 11
കെ.എസ്.ആർ.ടി.സി ഉദ്യോഗസ്ഥരെ പൊലീസ് കസ്‌റ്റഡിയിലെടുത്തു

രാവിലെ 11.10
തമ്പാനൂരിലും സിറ്റിയിലും കെ.എസ്.ആർ.ടി.സി ബസുകൾ സർവീസ് നിറുത്തി മിന്നൽ പണിമുടക്ക് തുടങ്ങി

രാവിലെ 11.30
കെ.എസ്.ആർ.ടി.സി ജീവനക്കാർ ഫോർട്ട് പൊലീസ് സ്‌റ്റേഷൻ ഉപരോധിക്കുന്നു

രാവിലെ 11.45
എം.ജി റോഡിൽ കിഴക്കേകോട്ട മുതൽ സെക്രട്ടേറിയറ്റ് വരെയുള്ള റോഡിന്റെ ഇരുവശങ്ങളിലുമായി അറുനൂറോളം ബസുകളുടെ നീണ്ടനിര

ഉച്ചയ്ക്ക് 12
തമ്പാനൂർ ബസ് സ്‌റ്റേഷന് മുന്നിലും ദീർഘദൂര ബസുകളുടെ നിര

ഉച്ചയ്ക്ക് ഒരുമണി
പലയിടത്തും ബസുകൾ കിട്ടാതെ ജനങ്ങൾ പൊരിവെയിലത്ത്,​ പ്രതിഷേധം തുടരുന്നു

ഉച്ചയ്ക്ക് 2
സിറ്റി പൊലീസ് കമ്മിഷണർ ഫോർട്ട് സ്‌റ്റേഷനിലേക്ക് എത്തി,​ പിന്നാലെ ട്രാഫിക് എ.സിയും എത്തി

ഉച്ചയ്ക്ക് 2 .15
കെ.എസ്.ആർ.ടി.സി സൗത്ത് എക്‌സിക്യുട്ടീവ് ഡയറക്ടർ ചർച്ചയ്ക്കായി പൊലീസ് സ്റ്റേഷനിൽ

ഉച്ചയ്ക്ക് 3
ജീവനക്കാർക്ക് സ്‌റ്റേഷൻ ജാമ്യം നൽകാമെന്ന് പൊലീസ് സമ്മതിച്ചതായി അറിയിപ്പ് വന്നു,​ ഉദ്യോഗസ്ഥരെ മോചിപ്പിക്കാതെ പിരിഞ്ഞ് പോകില്ലെന്ന് ജീവനക്കാർ

ഉച്ചയ്ക്ക് 3.30
ഉദ്യോഗസ്ഥരെ വൈദ്യപരിശോധനയ്ക്കായി ജനറൽ ആശുപത്രിയിലേക്ക് കൊണ്ടുപോയി

വൈകിട്ട് 5.30
ഉദ്യോഗസ്ഥരുമായി പൊലീസ് ഫോർട്ട് സ്റ്റേഷനിൽ മടങ്ങിയെത്തി

വൈകിട്ട് 5.40
ഉദ്യോഗസ്ഥരെ വിട്ടയച്ചു. പിന്നാലെ ജീവനക്കാരുടെ വക സ്വീകരണം

വൈകിട്ട് 6 മണി
ബസുകൾ സർവീസ് പുനരാരംഭിച്ചു