വർക്കല: ഗുരുധർമ്മ പ്രചാരണസംഘം സംസ്ഥാന കമ്മിറ്റിയുടെ നേതൃത്വത്തിൽ ഇന്ന് രാവിലെ 10ന് വർക്കല ഗോവർദ്ധനം ചാരിറ്റി ഹോമിൽ വനിതാദിനാചരണവും കാരുണ്യശ്രേഷ്ഠ പുരസ്‌കാര സമർപ്പണവും നടക്കും. കണ്ണൂർ സർവകലാശാല മുൻ വൈസ് ചാൻസലർ ഡോ.പി. ചന്ദ്രമോഹനൻ ഉദ്ഘാടനം ചെയ്യും. ഗുരുധർമ്മ പ്രചാരണസംഘം സംസ്ഥാന പ്രസിഡന്റ് എഴുകോൺ രാജ്മോഹൻ അദ്ധ്യക്ഷത വഹിക്കും. സ്വാമി പരാനന്ദ ഭദ്രദീപം കൊളുത്തും. ചാരിറ്റിഹോം ചെയർപേഴ്സൺ സിന്ധു വി പിള്ളയ്ക്ക് കാരുണ്യശ്രേഷ്ഠ പുരസ്‌കാരം ഡോ. ചന്ദ്രമോഹൻ സമ്മാനിക്കും. കെ.ജി. സുരേഷ്, എക്സൈസ് ഇൻസ്‌പെക്ടർ മഹേഷ്, ജനമൈത്രി പൊലീസ് ബീറ്റ് ഓഫീസർ ജയപ്രസാദ്, ഡോ.എസ്. ലത, ആനി പവിത്രൻ, വി. ശ്രീനാഥക്കുറുപ്പ് എന്നിവർ സംസാരിക്കും. വർക്കല മോഹൻദാസ് സ്വാഗതവും ശംഭു ആർ നായർ നന്ദിയും പറയും.