തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേയ്ക്കുള്ള തിരഞ്ഞെടുപ്പിന് വോട്ടർപട്ടിക പുതുക്കുന്ന നടപടി പുനരാരംഭിച്ചതായി സംസ്ഥാന തിരഞ്ഞെടുപ്പ് കമ്മിഷണർ വി. ഭാസ്‌കരൻ അറിയിച്ചു.
മാർച്ച് എട്ടു മുതൽ കമ്മിഷന്റെ www.lsgelection.kerala.gov.in വെബ്‌സൈറ്റിലൂടെ അപേക്ഷ സമർപ്പിക്കാം. മാർച്ച് 16 വൈകിട്ട് അഞ്ച് മണിവരെ സ്വീകരിക്കും. അപേക്ഷകളുടെയും ആക്ഷേപങ്ങളുടെയും ഹിയറിംഗ് മാർച്ച് 23ന് പൂർത്തിയാകും. മുമ്പ് അപേക്ഷ സമർപ്പിച്ചിട്ട് ഹിയറിംഗിന് എത്താതിരുന്നവർ ഇപ്പോൾ ഹാജരാകണം. തീയതി സംബന്ധിച്ച അറിയിപ്പ് വെബ്‌സൈറ്റിൽ നൽകിയിട്ടുണ്ട്. മാർച്ച് 25ന് അന്തിമ വോട്ടർപട്ടിക പ്രസിദ്ധീകരിക്കും.