കാട്ടാക്കട: കള്ളിക്കാട് ദേവൻകോട്ട് ക്ഷീരകർഷകനായ സോമന്റെ കറവ പശുവിനെ ക്രൂരമായി ഉപദ്രവിച്ച ശേഷം വാൽ മുറിച്ചു മാറ്റി. വെള്ളിയാഴ്ച രാത്രിയോടെയാണ് സംഭവം. സോമൻ കുടുംബ വീട്ടിൽ പശുവിനെ വൃത്തിയാക്കി കെട്ടിയ ശേഷം രാത്രി മകന്റെ വീട്ടിലേക്ക് പോയി. ഇന്നലെ രാവിലെ കറവയ്ക്കായി എത്തിയപ്പോഴാണ് പശുവിന്റെ വാൽ മുറിഞ്ഞു കിടക്കുന്ന നിലയിൽ കണ്ടെത്തിയത്. പരാതിയെ തുടർന്ന് കാട്ടാക്കട പൊലീസ് കേസ് രജിസ്റ്റർ ചെയ്ത് അന്വേഷണം നടത്തി വരികയാണ്.

പരിക്കേറ്റ പശുവിന് ചികിത്സ നൽകാനായി സമീപത്തെ മൃഗാശുപത്രിയിയെ സമീപിച്ചെങ്കിലും ഡോക്ടർ ഇല്ലെന്ന കാരണത്താൽ ജീവനക്കാർ മടക്കി അയച്ചതായി സോമൻ പറയുന്നു. പ്രതിഷേധത്തെ തുടർന്ന് ഉച്ചയോടെ ഡോക്ടർ സ്ഥലത്തെത്തി പ്രാഥമിക ശുശ്രൂഷ നൽകി. അടുത്തദിവസം ശസ്ത്രക്രിയ വേണ്ടിവരുമെന്നു ഡോക്ടർ അറിയിച്ചതായി ഉടമ പറഞ്ഞു.