കടയ്ക്കാവൂർ: മാലിന്യത്തെയും വവ്വാലിനെയും ഭയന്ന് കഴിയുകയാണ് ഗാന്ധിമുക്ക് നിവാസികൾ. ഗാന്ധിമുക്ക് യു.ഐ.ടി കോളേജ്, വാട്ടർ അതോറിട്ടി കടയ്ക്കാവൂർ, അഞ്ചുതെങ്ങ് പഞ്ചായത്തുകളിൽ കുടിവെള്ള വിതരണത്തിനായി സ്ഥാപിച്ചിരിക്കുന്ന വാട്ടർ ടാങ്ക് തുടങ്ങിയവയുടെ സമീപം മാലിന്യ നിക്ഷേ കേന്ദ്രമായി മാറിയിരിക്കയാണ്. ഇവ അഴുകി ദുർഗന്ധവും ഇൗച്ചയും പുഴുവും കാരണം സഹികെട്ട് കഴിയുകയാണ് നാട്ടുകാർ.

ഇൗ മാലി​ന്യത്തി​ൽ അധി​കവും കി​ടപ്പുരോഗി​കൾ ഉപയോഗി​ക്കുന്ന മനുഷ്യ വി​സർജ്യമടങ്ങി​യ നാപ്കി​നുകളാണെന്നാണ് നാട്ടുകാർ പറയുന്നത്. യു.ഐ.ടി കോളേജിനടുത്തുള്ള വാട്ടർ ടാങ്കി​ന് സമീപമുള്ള വൃക്ഷങ്ങളി​ൽ സന്ധ്യ കഴിഞ്ഞാൽ വവ്വാലുകൾ കൂട്ടത്തോടെയെത്തും. വെളുക്കുന്നതുവരെ ഇവയുടെ വിഹാരകേന്ദ്രമാണിവിടം. വവ്വാലുകളുടെ കാഷ്ടം വാട്ടർടാങ്കി​ലും കോളേജ് കെട്ടി​ടത്തി​ലും പരി​സരത്തെ വീടുകളി​ലും വീഴുന്നുണ്ട്. കുടി​വെള്ളത്തി​ൽ വവ്വാലുകളുടെ കാഷ്ടം കലരുന്നുണ്ടോ എന്ന ഭീതി​യും ജനങ്ങൾക്കുണ്ട്.

കൊറോണ ഭീതി​യുള്ള ഇൗ സമയത്ത് വാട്ടർ ടാങ്കി​ൽ നി​ന്നും വി​തരണം ചെയ്യുന്ന വെള്ളം ഉപയോഗി​ക്കാനും ജനങ്ങൾ ഭയക്കുന്നു. പഞ്ചായത്തി​ന്റെയും ആരോഗ്യ വകുപ്പി​ന്റെയും ശ്രദ്ധയി​ൽ പെടുത്തി​യി​ട്ടുണ്ടെന്നാണ് നാട്ടുകാർ പറയുന്നത്.

ജലദൗർലഭ്യമുള്ള ഇൗ സമയത്ത് ടാങ്കി​ൽ നി​ന്നും വി​തരണം ചെയ്യുന്ന വെള്ളമാണ് കുടി​ക്കാൻ പോലും ജനങ്ങൾ ഉപയോഗി​ക്കുന്നത്. ഇൗ സാഹചര്യം നി​ലനി​ൽക്കുമ്പോൾ മറ്റൊരു പകർച്ചവ്യാധി​ക്ക് ഇടവരുമോ എന്ന ഭീതി​യി​ലാണ് ജനങ്ങൾ. അടി​യന്തരമായി​ ഇതി​ന് പരി​ഹാരം കാണണമെന്നതാണ് നാട്ടുകാരുടെ ആവശ്യം.