ബാലരാമപുരം: കോവളം നിയോജക മണ്ഡലത്തിലെ 29 സ്കൂളുകൾക്ക് സ്മാർട്ട് ക്ലാസ് റൂമുകൾ ഒരുക്കാൻ അഡ്വ. എം.വിൻസെന്റ് എം.എൽ.എയുടെ ആസ്തിവികസന ഫണ്ടിൽ നിന്നും തുക അനുവദിച്ചു. 24 സ്കൂളുകൾക്ക് സ്മാർട്ട് ക്ലാസ് റൂം ഒരുക്കുന്നതിനും 5 സ്കൂളുകൾക്ക് കമ്പ്യൂട്ടർ വാങ്ങുന്നതിനുമാണ് ഫണ്ട് വിനിയോഗിക്കുന്നത്. പൂവാർ,​ കാഞ്ഞിരംകുളം,​ കഴിവൂർ,​ വിഴിഞ്ഞം,​ മുട്ടയ്ക്കാട് ഗവ. എൽ.പി സ്കൂളുകൾ,​ ഗവ. എം.എൻ.എൽ.പി.എസ് വെള്ളായണി,​ കെ.വി.എൽ.പി.എസ് തലയൽ,​ സെന്റ് ജോസഫ് എൽ.പി.എസ് ബാലരാമപുരം,​ ആർ.സി എൽ.പി.എസ് കല്ലിയൂർ,​ സെന്റ് മേരീസ് എൽ.പി.എസ് പുല്ലുവിള,​ സെന്റ് നിക്കോളാസ് എം.എസ്.എൽ.പി.എസ് പുതിയതുറ,​ എം.എസ്.എൽ.പി.എസ് വലിയവിള,​ ന്യൂ.യു.പി.എസ് ശാന്തിവിള,​ എൽ.എം.എൽ.പി.എസ് പൂതംകോട്,​ എം.എസ്.സി.എൽ.പി.എസ് പാമ്പുക്കാല,​ എസ്.വി.എൽ.പി.എസ് വിഴിഞ്ഞം,​ ഹോളിക്രോസ് എൽ.പി.എസ് പാലപ്പൂര്,​ സെന്റ് ജോസഫ് യു.പി.എസ് വെണ്ണിയൂർ, മുട്ടക്കാട്, മംഗലത്തുകോണം, ചാണി,​ ഉച്ചക്കട എൽ.എം.എസ്.എൽ.പി.എസുകൾ,​ ബി.പി.എം എൽ.പി.എസ് അവണാകുഴി,​ ഡി.വി.എൽ.പി.എസ് ഉച്ചക്കട,​ ഡി.വി.എൽ.പി.എസ് തലയൽ,​ എന്നീ സ്കൂളുകളിലാണ് സ്മാർട്ട് ക്ലാസ് റൂം ഒരുക്കുന്നത്. എം.സി.എച്ച്.എസ്. കോട്ടുകാൽക്കോണം,​ പി.കെ.എച്ച്.എസ്.എസ് കാഞ്ഞിരംകുളം,​ എം.വി.എച്ച്.എസ്.എസ് അരുമാനൂർ,​ വി.പി.എച്ച്.എസ്.എസ് ഗേൾസ് വെങ്ങാനൂർ,​ എസ്.എ.എൽ.പി.എസ് കാക്കാമൂല എന്നീ സ്കൂളുകൾക്കാണ് കമ്പ്യൂട്ടർ നൽകുന്നത്.