കിളിമാനൂർ: രാജ്യത്തെ എല്ലാ വിദ്യാഭ്യാസ സ്ഥാപനങ്ങൾ അടച്ചിടാൻ നിർദ്ദേശിച്ച സാഹചര്യത്തിൽ സംസ്ഥാനത്തെ ഒന്നുമുതൽ ഏഴ് വരെയുള്ള അദ്ധ്യാപകർക്കായി മാർച്ച് 18 മുതൽ 31 വരെ' കൈറ്റി 'ന്റെ നേതൃത്വത്തിലുള്ള ഐ.ടി പരിശീലനം ഒഴിവാക്കണമെന്ന് കേരള അറബിക് മുൻഷിസ്‌ അസോസിയേഷൻ(കെ.എ.എം.എ ) ആവശ്യപ്പെട്ടു. കൊറോണ വൈറസ് ഭീതി നിലനിൽക്കുമ്പോൾ സ്കൂളുകളിൽ പരിശീലനത്തിൽ പങ്കെടുക്കുന്നത് അപകടകരമാണെന്നും, ​സ്കൂളുകളിലെ അടിസ്ഥാന സൗകര്യങ്ങൾ ഉറപ്പുവരുത്താതെയും,​ കൃത്യമായ മുന്നൊരുക്കങ്ങളില്ലാതെയുള്ള പരിശീലനം ഒഴിവാക്കണമെന്നും, ഏപ്രിൽ, മെയ് മാസങ്ങളിൽ ഫലപ്രദമായി നടത്തുന്നതിന് നടപടികൾ സ്വീകരിക്കണമെന്നും സംസ്ഥാന പ്രസിഡന്റ് എ.എ. ജാഫർ, ജനറൽ സെക്രട്ടറി എം. തമീമുദ്ദീൻ എന്നിവർ ആവശ്യപ്പെട്ടു.