കല്ലമ്പലം : പനി ബാധിച്ച പൊലീസുകാരൻ വാടക വീട്ടിൽ തൂങ്ങി മരിച്ച നിലയിൽ. മുഖത്തല ഡീസന്റ് മുക്ക് വയലിൽ പുത്തൻ വീട്ടിൽ ഗോപിയുടെ മകൻ വിനോദിനെ (38) ആണ് പള്ളിക്കൽ പകൽക്കുറി ആറയിൽ കാർത്തിക വിലാസം വീട്ടിൽ തൂങ്ങി മരിച്ച നിലയിൽ ഇന്നലെ രാവിലെ അയൽവാസികൾ കണ്ടത്. കുമളി പൊലീസിൽ ജോലി നോക്കുന്ന വിനോദ് കുടുംബവുമായി കാർത്തിക വിലാസത്തിലാണ് താമസം. കുടുംബ വീട്ടിൽ പോയ ഭാര്യയോടും മക്കളോടും കഴിഞ്ഞ ദിവസം തനിക്ക് പനിയാണെന്നും വാടക വീട്ടിൽ വരണ്ടെന്നും പറഞ്ഞിരുന്നു. ഇന്നലെ രാവിലെ എട്ടരയ്ക്കും പത്തരയ്ക്കും ഇടയ്ക്കാണ് സംഭവം നടന്നതെന്ന് കരുതുന്നതായി പള്ളിക്കൽ പൊലീസ് പറഞ്ഞു.കൊറോണയാണെന്ന് സംശയിക്കുന്നുണ്ട്. അതിനാൽ പാരിപ്പള്ളി മെഡിക്കൽ കോളേജ് ആശുപത്രിയിൽ പോസ്റ്റുമോർട്ടം നടത്തും. ഭാര്യ: സൂര്യപുത്രി. മക്കൾ : കാർത്തിക്, കൈലാസ്.