ഓയൂർ: മീയ്യണ്ണൂരിൽ ബൈക്ക് പോസ്​റ്റിലിടിച്ച് യുവാവ് മരിച്ചു. ഒപ്പമുണ്ടായിരുന്ന രണ്ടുപേർക്ക് പരിക്കേറ്റു. പൂയപ്പള്ളി തച്ചക്കോട് മഠത്തിക്കോണത്ത് നിധിൻ ഭവനിൽ നകുലൻ -ഗീത ദമ്പതികളുടെ മകൻ നിധിനാണ് (20) മരിച്ചത്. നിധിനൊപ്പമുണ്ടായിരുന്ന അയൽവാസികളായ വിഷ്ണു (20), രഞ്ജിത് (20) എന്നിവർക്കാണ് പരിക്കേ​റ്റത്. മീയ്യണ്ണൂരിൽനിന്ന് കൊട്ടറയിലേക്ക് പോവുകയായിരുന്ന ബൈക്ക് നിയന്ത്രണംവിട്ട് പോസ്റ്റിലിടിക്കുകയായിരുന്നു. പരിക്കേറ്റ മൂവരെയും തിരുവനന്തപുരം മെഡിക്കൽ കോളേജ് ആശുപത്രിയൽ പ്രവേശിപ്പച്ചെങ്കിലും നിധിൻ മരിച്ചു. പോസ്​റ്റ്‌മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുകൊടുത്തു.