ചിറയിൻകീഴ്:ശാർക്കര ദേവീക്ഷേത്രത്തിലെ മീന ഭരണി മഹോത്സവത്തിന് ഇന്ന് കൊടിയേറും.രാവിലെ 9.15നും 10നും മദ്ധ്യേ ക്ഷേത്ര തന്ത്രി നെടുമ്പള്ളി തരണനല്ലൂർമന സജി ഗോവിന്ദൻ നമ്പൂതിരിയുടെയും ക്ഷേത്ര മേൽശാന്തി വടക്കേമഠം എസ്.രാജഗോപാലൻ പോറ്റിയുടെയും മുഖ്യകാർമികത്വത്തിലാണ് തൃക്കൊടിയേറ്റ് നടക്കുക.കൊറോണയുടെ പശ്ചാത്തലത്തിൽ ക്ഷേത്രാചാര ചടങ്ങുകൾ മാത്രമേ നടത്തു.ഇന്ന് ക്ഷേത്രത്തിലെ പതിവ് പൂജകൾക്ക് പുറമെ രാവിലെ 8.30ന് പഞ്ചവാദ്യം, 24ന് വൈകിട്ട് 5ന് സ്പെഷ്യൽ നാദസ്വരം,27ന് രാത്രി 9ന് പള്ളിവേട്ട,സ്പെഷ്യൽ നാദസ്വരം,28ന് രാവിലെ 8ന് പായസ വിതരണം, ഗരുഢൻതൂക്കം, രാത്രി 8ന് ഗജവീരന്മാരുടെ അകമ്പടിയോടെ തിരുആറാട്ടെഴുന്നള്ളത്ത്,9.30ന് തിരു ആറാട്ട് തിരിച്ചെഴുന്നള്ളത്ത്, വലിയകാണിക്ക, തൃക്കൊടിയിറക്ക്, കളമെഴുത്തുംപാട്ടും, എന്നിവയോടെ സമാപിക്കും.ഇതിനുപുറമെ ഉത്സവദിവസങ്ങളിൽ മഹാഗണപതിഹോമം,കളഭാഭിഷേകം,കാഴ്ചശ്രീബലി എഴുന്നള്ളത്ത്,ശ്രീഭൂതബലി എഴുന്നള്ളത്ത് എന്നിവയും ഉണ്ടാകും.