കേരളീയർ ഒട്ടുമിക്ക കാര്യങ്ങളിലും വലിയ നിലവാരം പുലർത്തുന്നവരാണ്. കുളിച്ച് വൃത്തിയായി നല്ല വസ്ത്രം ധരിച്ചു നടക്കുന്നവർ, നല്ലതും വൃത്തിയുള്ളതുമായ ഭക്ഷണം കഴിക്കുന്നവർ, നല്ല വിദ്യാഭ്യാസം നേടിയിട്ടുള്ളവർ, അന്തസോടെ ജീവിക്കുന്നവരുമാണ്. പക്ഷെ, എന്തുകൊണ്ടോ ചിലതൊക്കെ മറക്കുന്നു. അഥവാ ചിലതിൽ ശീലക്കുറവുണ്ടാകുന്നു.

ചുമയ്ക്കുകയും തുമ്മുകയും ചെയ്യുന്നത് സ്വാഭാവികം. പക്ഷെ അതുവഴി മറ്റുള്ളവർക്ക് ബുദ്ധിമുട്ടുണ്ടാകാതിരിക്കാൻ എന്തുകൊണ്ടു കഴിയുന്നില്ല. ഒരു തൂവാലയോ, വസ്ത്രത്തിന്റെ തുമ്പോ ഉപയോഗിച്ച് തടയാവുന്നതാണ്.

ഇപ്പോൾ ഡോക്ടർമാർ ഇക്കാര്യം ആവർത്തിച്ചോർമ്മിപ്പിക്കുന്നുണ്ട്. ചാനൽ ചർച്ചകൾ വഴിയും പത്രമാദ്ധ്യമങ്ങൾ ഉപയോഗിച്ചും. എന്നിട്ടും കാര്യമായ ഫലം കാണുന്നില്ല. ചാനൽ ചർച്ചകളിൽ വളരെ ഉയർന്ന വിദ്യാഭ്യാസമുള്ളവർ പോലും ചർച്ചയ്ക്കു കൊണ്ടുവരുന്ന കടലാസു കഷണങ്ങൾ മറിച്ചുനോക്കാൻ ഉമിനീർ തൊടുന്നത്, കണ്ടുകൊണ്ടിരിക്കേണ്ടി വരുന്നു.

വിവാഹ സദ്യയും മറ്റും കഴിഞ്ഞ് കൈ കഴുകുകയും തുപ്പുകയും ചെയ്യുന്നത്, അടുത്തു നിന്നു കഴുകുന്നവർക്ക് യാതൊരു പരിഗണനയും നൽകാതെയാണ്. ശുചിത്വബോധം നഷ്ടമാകുന്നത് എന്തുകൊണ്ടാണെന്ന് എത്ര ആലോചിച്ചിട്ടും മനസിലാകുന്നില്ല. ബസ് സ്റ്റാൻഡിലും, റെയിൽവേ സ്റ്റേഷനിലും വെയ്സ്‌റ്റു ബോക്സ് വച്ചിട്ടുണ്ടെങ്കിലും, വെയ്‌സ്റ്റ് അവയിൽ നിക്ഷേപിക്കുന്നതിനു പകരം പരിസരത്ത് വലിച്ചെറിഞ്ഞു പോകുന്നവരാണ് അധികവും.

നടുറോഡിൽ തുപ്പുന്നതും മൂക്കുചീറ്റുന്നതും സർവസാധാരണമാണ്. പിറകിൽ വരുന്ന യാത്രക്കാർക്ക് യാതൊരു പരിഗണനയും നൽകാതെയാണ് ഈ പ്രവൃത്തി. ബസിൽ ഇരുന്നുപോലും മുറുക്കി തുപ്പുന്നവർ കുറവല്ല. ബീഡിയും സിഗരറ്റും വലിച്ച് മറ്റുള്ളവരുടെ മുഖത്തേക്ക് പുക അയയ്ക്കുന്നവരെ കർശനമായി നിയന്ത്രിച്ചത് കോടതി ഇടപെടലും അതുവഴിയുള്ള സർക്കാർ ഉത്തരവുകളുംവഴി. പൊതുസ്ഥലങ്ങൾ, റോഡുകൾ തുടങ്ങിയവ വൃത്തിഹീനമാക്കുന്നവരെ ആവശ്യമായാൽ നിയമം വഴി നിയന്ത്രിക്കണം.

പൊതുസ്ഥലങ്ങളിൽ പുകവലി നിയന്ത്രിച്ചത് ജനങ്ങൾ ഏറെക്കുറെ അംഗീകരിച്ചുകഴിഞ്ഞു. ഇനി, ഒരു തൂവാല സംസ്കാരമോ ശുചിത്വബോധമോ വളർത്താൻ സമയം അതിക്രമിച്ചിരിക്കുന്നു.

മുരളി പെരിങ്ങറ,

വട്ടിയൂർക്കാവ്

മ​ന്ത്രി​മാർ ഇ​ങ്ങ​നെ​യാ​ക​ണം

ശാ​സ്ത്ര​ ​സാ​ങ്കേ​തി​ക​ ​രം​ഗ​ങ്ങ​ളി​ൽ​ ​തി​ള​ക്ക​മാ​ർ​ന്ന​ ​പു​രോ​ഗ​തി​ ​നേ​ടാ​ൻ​ ​മ​നു​ഷ്യ​രാ​ശി​ക്കു​ ​ക​ഴി​ഞ്ഞി​ട്ടു​ണ്ടെ​ങ്കി​ലും​ ​ജ​ന​ങ്ങ​ളു​ടെ​ ​ഉ​റ​ക്കം​ ​കെ​ടു​ത്തു​ന്ന​ ​വി​ധ​ത്തി​ൽ​ ​ലോ​ക​മെ​മ്പാ​ടും​ ​കൊ​റോ​ണ​ ​വൈ​റ​സ് ​രോ​ഗം​ ​വ്യാ​പി​ച്ചു​കൊ​ണ്ടി​രി​ക്കു​ന്നു.​ ​ഈ​ ​മാ​ര​ക​ ​രോ​ഗ​ത്തെ​ ​ഫ​ല​പ്ര​ദ​മാ​യി​ ​പ്ര​തി​രോ​ധി​ക്കാ​ൻ​ ​ക​ഴി​യാ​തെ​ ​ശാ​സ്ത്ര​ലോ​കം​ ​പ​ക​ച്ചു​നി​ൽ​ക്കു​മ്പോ​ൾ​ ​കേ​ര​ള​ത്തി​ലെ​ ​ആ​രോ​ഗ്യ​മ​ന്ത്രി​ ​കെ.​കെ.​ ​ശൈ​ല​ജ​യും​ ​ഡോ​ക്ട​ർ​മാ​രും​ ​നി​പ്പാ​ ​വൈ​റ​സി​നെ​ ​പി​ടി​ച്ചു​കെ​ട്ടി​യ​ ​ഉ​ൾ​ക്ക​രു​ത്തോ​ടെ​ ​കൊ​റോ​ണ​ ​വൈ​റ​ ​സി​നെ​യും​ ​നേ​രി​ടാ​നു​ള്ള​ ​മു​ന്നൊ​രു​ക്ക​ങ്ങ​ളു​മാ​യി​ ​മു​ന്നോ​ട്ടു​പോ​കു​ക​യാ​ണ്.​ ​ആ​രോ​ഗ്യ​മ​ന്ത്രി​ ​എ​ന്ന​ ​നി​ല​യി​ൽ​ ​ശൈ​ല​ജ​ ​ടീ​ച്ച​ർ​ ​പ​ക​ർ​ന്നു​ ​ത​രു​ന്ന​ ​ആ​ത്മ​വി​ശ്വാ​സം​ ​അ​ഭി​ന​ന്ദ​നീ​യ​മാ​ണ്.

ആ​ർ.​ ​പ്ര​കാ​ശൻ, ചി​റ​യി​ൻ​കീ​ഴ്

ഇ​ന്ധ​ന​ ​വി​ല​യിൽ പ​ക​ൽ​ക്കൊ​ള്ള

ഏ​റ്റ​വും​ ​താ​ഴ്ന്ന​ ​നി​ല​യി​ലേ​ക്കു​ ​അ​ന്താ​രാ​ഷ്ട്ര​ ​ത​ല​ത്തി​ൽ​ ​ക്രൂ​ഡോ​യി​ലി​ന്റെ​ ​വി​ല​ ​കൂ​പ്പു​കു​ത്തി​യി​ട്ടു​പോ​ലും​ ​ഇ​ന്ത്യ​യി​ലെ​ ​എ​ണ്ണ​ക്ക​മ്പ​നി​ക​ൾ​ ​ഈ​ടാ​ക്കു​ന്ന​ത് തീ​വി​ല​യാ​ണ്.​ ​ഇ​തി​ന് ​കു​ട​പി​ടി​ച്ചു​കൊ​ടു​ക്കു​ന്ന​ ​കേ​ന്ദ്ര​ ​സ​ർ​ക്കാ​ർ​ ​ഈ​ ​രാ​ജ്യ​ത്തെ​ ​ജ​ന​ങ്ങ​ളോ​ട് ​ചെ​യ്യു​ന്ന​ത് ​നീ​തീ​ക​രി​ക്കാ​നാ​വാ​ത്ത​ ​ക്രൂ​ര​ത​യാ​ണ്.​ ​ആ​ഗോ​ള​ത​ല​ത്തി​ൽ​ ​എ​ണ്ണ​വി​ല​ ​ക​ഴി​ഞ്ഞ​ ​വ​ർ​ഷ​ത്തി​നി​ട​യി​ൽ​ ​വ​ച്ച് ​ഏ​റ്റ​വും​ ​കു​റ​ഞ്ഞ​ ​റേ​റ്റി​ൽ​ ​എ​ത്തി​യി​ട്ടും​ ​ഇ​ന്ത്യ​യി​ൽ​ ​പ​ക​ൽ​ക്കൊ​ള്ള​ ​തു​ട​രു​ക​യാ​ണ്.​ ​കൊ​റോ​ണ​പ്പേ​ടി​യി​ൽ​ ​ജ​ന​ങ്ങ​ൾ​ ​ഒ​തു​ങ്ങി​ക്ക​ഴി​യു​മ്പോ​ൾ​ ​യാ​തൊ​രു​ ​കാ​ര​ണ​വു​മി​ല്ലാ​തെ​ ​പെ​ട്രോ​ളി​നും​ ​ഡീ​സ​ലി​നും​ ​ലി​റ്റ​റി​ന് 3​ ​രൂ​പ​ ​വീ​ത​മാ​ണ് ​അ​ന്യാ​യ​മാ​യി​ ​വ​ർ​ദ്ധി​പ്പി​ച്ചി​രി​ക്കു​ന്ന​ത്.​ ​മാ​ത്ര​മ​ല്ല​ ​പെ​ട്രോ​ളി​നും​ ​ഡീ​സ​ലി​നു​മു​ള്ള​ ​എ​ക്സൈ​സ് ​തീ​രു​വ​ ​വ​ർ​ദ്ധി​പ്പി​ച്ചു​ ​സ​ർ​ക്കാ​ർ.​ ​ലി​റ്റ​റി​ന് ​കു​റ​ഞ്ഞ​ത് 5​ ​രൂ​പ​യെ​ങ്കി​ലും​ ​കു​റ​യ്ക്കേ​ണ്ട​ ​സാ​ഹ​ച​ര്യ​മാ​ണ് ​നി​ല​വി​ലു​ള്ള​ത്.​ ​എ​ന്നാ​ൽ​ ​കേ​ന്ദ്ര​ ​സ​ർ​ക്കാ​ർ​ ​എ​ക്സൈ​സ് ​തീ​രു​വ​ ​കൂ​ട്ടി​യ​തോ​ടെ​ ​വി​ല​ക്കു​റ​വി​ന്റെ​ ​ആ​നു​കൂ​ല്യ​വും​ ​ഉ​പ​ഭോ​ക്താ​ക്ക​ൾ​ക്ക് ​ന​ഷ്ട​മാ​വു​ക​യാ​ണ്.

എ​സ്.​ ​മ​നോ​ഹ​രൻ, ക​ഴ​ക്കൂ​ട്ടം