പാലോട്: മടത്തറ മുതൽ കർശന നിരീക്ഷണവും സുരക്ഷയും ഒരുക്കി പാലോട് പൊലീസ്. അവശ്യസാധനങ്ങൾ വില്ക്കുന്ന കടകൾ ഒഴിച്ച് ബാക്കിയെല്ലാം അടപ്പിച്ചു. അത്യാവശ്യ വാഹനങ്ങൾ മാത്രം കർശന പരിശോധനക്ക് ശേഷം കടത്തിവിട്ടു. വിദേശത്തു നിന്നു വന്നവരെ വീട്ടിൽ തന്നെ കഴിയണമെന്ന നിർദ്ദേശം നൽകുകയും ഉറപ്പിക്കാൻ ആരോഗ്യവകുപ്പിന്റെ സഹകരണത്തോടെ നിരീക്ഷണം ശക്തമാക്കി. അന്യസംസ്ഥാനങ്ങളിൽ നിന്നു വന്നവരും വീടുകളിൽ തന്നെ കഴിയണമെന്നും നിർദ്ദേശം ലംഘിക്കുന്നവർക്കെതിരെ കേസ് എടുക്കുമെന്നും വാഹന പരിശോധന കുറച്ചു കൂടി ശക്തമാക്കുമെന്നും പാലോട് സി.ഐ സി.കെ. മനോജ് അറിയിച്ചു.