തിരുവനന്തപുരം: ജില്ലയിൽ ഇന്നലെ പുതുതായി 498 പേർ നിരീക്ഷണത്തിലായി. രോഗലക്ഷണങ്ങളുമായി 16 പേരെയാണ് ആശുപത്രികളിൽ പ്രവേശിപ്പിച്ചത്. 12 പേരെ ഇന്നലെ ഡിസ്ചാർജ് ചെയ്‌തു. തിരുവനന്തപുരം മെഡിക്കൽ കോളേജ് ആശുപത്രിയിൽ 39 പേരും ജനറൽ ആശുപത്രിയിൽ 29 പേരും പേരൂർക്കട ജില്ലാ മാതൃകാ ആശുപത്രിയിൽ 5 പേരും നെയ്യാറ്റിൻകര ജില്ലാ ആശുപത്രിയിൽ 4 പേരും നെടുമങ്ങാട് ജില്ലാ ആശുപത്രിയിൽ 9 പേരും എസ്.എ.ടി ആശുപത്രിയിൽ 5 പേരും കിംസ് ആശുപത്രിയിൽ 3 പേരും ഉൾപ്പെടെ 94 പേർ ജില്ലയിലെ വിവിധ ആശുപത്രികളിൽ ചികിത്സയിലുണ്ട്. 6,315 പേർ വീടുകളിൽ കരുതൽ നിരീക്ഷണത്തിലുണ്ട്. ഇന്നലെ 116 സാമ്പിളുകൾ പരിശോധനയ്ക്കായി അയച്ചു. ആകെ അയച്ച 991 സാമ്പിളുകളിൽ 794 പരിശോധനാഫലം ലഭിച്ചിട്ടുണ്ട്. ഇന്നലെ ലഭിച്ച 56 പരിശോധനാഫലവും നെഗറ്റീവാണ്. നേരത്തെ പോസിറ്റീവായ 4 പേർ മെഡിക്കൽ കോളേജ് ആശുപത്രിയിൽ ഐസൊലേഷൻ വാർഡിൽ ചികിത്സയിലാണ്. കഴിഞ്ഞ ദിവസം പോസിറ്റീവ് ഫലം ലഭിച്ച ജനറൽ ആശുപത്രിയിൽ ചികിത്സയിലുള്ള ആളുടെ ആരോഗ്യനില തൃപ്‌തികരമാണ്. അഞ്ച് പേരുമായി അടുത്തിടപഴകിയ ആൾക്കാരെ കണ്ടെത്തുകയും അവരുടെ സാമ്പിളുകൾ പരിശോധനയ്ക്കായി എടുത്തശേഷം നിരീക്ഷണത്തിലാക്കുകയും ചെയ്‌തിട്ടുണ്ട്. കരുതൽ നിരീക്ഷണത്തിനായി യൂണിവേഴ്സിറ്റി മെൻസ് ഹോസ്റ്റലിൽ 31 പേരെയും ഐ.എം.ജി ഹോസ്റ്റലിൽ 34 പേരെയും വേളി സമേതി ഹോസ്റ്റലിൽ 18 പേരെയും താമസിപ്പിച്ചിട്ടുണ്ട്.

 40 യാത്രക്കാരെ സ്‌ക്രീൻ ചെയ്‌തു

ഇന്നലെ ഡൊമസ്റ്റിക് എയർപോർട്ടിൽ എത്തിയ 40 യാത്രക്കാരെ സ്‌ക്രീൻ ചെയ്‌തു. രോഗലക്ഷണങ്ങളുണ്ടായിരുന്ന 4 പേരെ റഫർ ചെയ്‌തു. തിരുവനന്തപുരം സെൻട്രൽ റെയിൽവേ സ്റ്റേഷനിൽ എത്തിയ 12 പേരെയും സ്‌ക്രീൻ ചെയ്‌തു.
അമരവിള, കോഴിവിള, ഉച്ചക്കട, ഇഞ്ചിവിള, ആറുകാണി, വെള്ളറട, നെട്ട, കാരക്കോണം, കന്നുമാമൂട്, ആറ്റുപുറം, തട്ടത്തുമല, കാപ്പിൽ, മടത്തറ എന്നിവിടങ്ങളിൽ ആകെ 5929 യാത്രക്കാരെയും സ്‌ക്രീനിംഗ് നടത്തി. രോഗലക്ഷണങ്ങളുണ്ടായിരുന്ന 8 പേരെ റഫർ ചെയ്തു. കളക്ടറേറ്റ് കൺട്രോൾ റൂമിൽ 492 കാളുകളും ദിശ കാൾ സെന്ററിൽ 230 കാളുകളുമാണ് ഇന്നലെ ലഭിച്ചത്. ഫീൽഡ് തല സർവൈലൻസിന്റെ ഭാഗമായി 5113 വീടുകൾ സന്ദർശിക്കുകയും ഹോം ക്വാറന്റൈനിലുള്ളവരുടെ ആരോഗ്യ വിവരങ്ങൾ അന്വേഷിക്കുകയും ആവശ്യമായ ബോധവത്കരണം നടത്തുകയും ചെയ്‌തിട്ടുണ്ട്.

ആകെ നിരീക്ഷണത്തിലുള്ളവർ - 7360

വീടുകളിൽ നിരീക്ഷണത്തിലുള്ളവർ - 6315

ആശുപത്രികളിൽ നിരീക്ഷണത്തിലുള്ളവർ - 94

ഇന്നലെ പുതുതായി നിരീക്ഷണത്തിലായവർ -498

►കളക്ടറേറ്റ് കൺട്രോൾ റൂം- 1077

►ദിശ- 1056

►കൗൺസലിംഗ് സേവനത്തിന് - 9846854844

►വിദേശത്തു നിന്നെത്തിയവരുടെ

വിവരം അറിയിക്കാൻ -9188610100