തിരുവനന്തപുരം: ദിവസേന അഞ്ച് കുടുംബങ്ങൾക്ക് ഭക്ഷണം നൽകാൻ സാധിക്കുന്ന ഒരുകോടി പാർട്ടി അംഗങ്ങളെ കണ്ടെത്താൻ സംസ്ഥാന പ്രസിഡന്റുമാർക്ക് ബി.ജെ.പി ദേശീയ അദ്ധ്യക്ഷൻെറ നിർദ്ദേശം.

ബി.ജെ.പി അദ്ധ്യക്ഷൻ ജെ.പി. നദ്ദ വീഡിയോ കോൺഫറൻസ് വഴിയാണ് സംസ്ഥാന പ്രസിഡൻറുമാർക്ക് നിർദ്ദേശം നൽകിയത്. അടച്ചുപൂട്ടൽ കാലയളവിൽ അഞ്ച് കുടുംബങ്ങൾക്ക് ഭക്ഷണം നൽകാൻ ഉത്തരവാദിത്വം ഏറ്റെടുക്കാൻ കഴിയുന്ന ഒരു കോടി പാർട്ടി പ്രവർത്തകരെ കണ്ടെത്താനാണ് നദ്ദയുടെ നിർദ്ദേശം.

ഇന്ന് മുതൽ ആവശ്യക്കാർക്ക് ഭക്ഷണം എത്തിക്കാൻ ഇവർക്ക് ചുമതല നൽകാനാണ് നദ്ദയുടെ നിർദ്ദേശം. അടച്ചുപൂട്ടൽ കാലയളവിൽ വിശന്ന് കിടക്കുന്ന അവസ്ഥ ഉണ്ടാകരുതെന്നും ചുരുങ്ങിയത് ഒൻപത് കുടുംബങ്ങൾക്കെങ്കിലും ഭക്ഷണം നൽകണമെന്നും പാർട്ടി പ്രവർത്തകരോട് പ്രധാനമന്ത്രി നരേന്ദ്ര മോദി അഭ്യർത്ഥിച്ചിരുന്നു. ഇതിൻെറ അടിസ്ഥാനത്തിലാണ് നദ്ദയുടെ നിർദ്ദേശം.