തിരുവനന്തപുരം: കൊറോണയുടെ പശ്ചാത്തലത്തിൽ പാൽ വീടുകളിലെത്തിക്കുമെന്ന് മന്ത്രി കെ.രാജു പറഞ്ഞു. തിരുവനന്തപുരത്തും കൊച്ചിയിലും മിൽമ ഓൺലൈൻ വഴി പാൽ വിതരണം ചെയ്യും.
പാൽ സംഭരണത്തിലും വിതരണത്തിലും മിൽമ വൻ പ്രതിസന്ധി നേരിടുന്നുണ്ടെന്നും ഈ സാഹചര്യത്തിൽ, പാൽ വേണ്ടവർ മിൽമയിൽ വിളിച്ചാൽ വീട്ടിൽ എത്തിക്കുന്നതിനുള്ള സംവിധാനമാണ് ഒരുക്കുന്നതെന്നും അദ്ദേഹം വിശദീകരിച്ചു.
സംഭരിക്കുന്ന മുഴുവൻ പാലും വിതരണം ചെയ്യാൻ കഴിയുന്നില്ല. അധികം വരുന്ന പാൽ ഉപയോഗിച്ച് പാൽപ്പൊടി നിർമ്മാണം നടത്താൻ തമിഴ്നാട്ടിലെ കമ്പനികളുമായി ധാരണയായെന്നും മന്ത്രി അറിയിച്ചു.