ചാത്തന്നൂർ: ഉളിയനാട് കോളനിക്ക് സമീപം വൃദ്ധനെ വീട്ടിൽ മരിച്ച നിലയിൽ കണ്ടെത്തി. ഉളിയനാട് ലക്ഷ്മി ഭവനിൽ യാദവ മോഹനൻ ഉണ്ണിത്താനെയാണ് (67) വീട്ടിലെ കസേരയിൽ മരിച്ച നിലയിൽ കാണപ്പെട്ടത്. വിവാഹമോചിതനായിരുന്ന ഇയാൾ പത്ത് വർഷമായി ഒറ്റയ്ക്കായിരുന്നു താമസം. ഞായറാഴ്ച വൈകിട്ടോടെ സുഹൃത്ത് ഫോണിൽ ബന്ധപ്പെടാൻ ശ്രമിച്ചെങ്കിലും ലഭിക്കാഞ്ഞതിനെ തുടർന്ന് അന്വേഷിച്ച് വീട്ടിലെത്തിയപ്പോഴാണ് മരിച്ച നിലയിൽ കണ്ടത്. ചിറക്കര ഗ്രാമ പഞ്ചായത്ത് പ്രസിഡന്റ് ടി.ആർ.ദീപുവും പൊലീസും സ്ഥലത്തെത്തി മേൽ നടപടി സ്വീകരിച്ചു.