ചേർത്തല:താലൂക്കിലെ റേഷൻ കാർഡുടമകൾക്ക് നൽകാനുള്ള സൗജന്യ ഭക്ഷ്യകി​റ്റുകൾ തയ്യാറാക്കുന്ന സപ്ലൈകോ വില്പന കേന്ദ്രം മന്ത്രി പി. തിലോത്തമൻ സന്ദർശിച്ചു. ചേർത്തല മിനി സിവിൽസ്​റ്റേഷന് സമീപം പ്രവർത്തിക്കുന്ന സൂപ്പർമാർക്കറ്റിലെ പാക്കിംഗ് കേന്ദ്രമാണ് സന്ദർശിച്ചത്.

താലൂക്കിൽ 1,44,317 റേഷൻകാർഡുകളാണ് നിലവിലുള്ളത്. ആദ്യഘട്ടത്തിൽ എ.എ.വൈ വിഭാഗത്തിൽ ഉൾപ്പെടുന്ന 9482 റേഷൻ കാർഡുകൾക്കാണ് ഭക്ഷ്യകി​റ്റുകൾ വിതരണം ചെയ്യുന്നത്. തുണി സഞ്ചിയുൾപ്പെടെ 1000 രൂപയുടെ 18 ഇനം സാധനങ്ങളാണ് കി​റ്റിലുള്ളത്. സപ്ലൈകോയുടെ എല്ലാ വില്പന കേന്ദ്രങ്ങളിലും സപ്ലൈകോ ജീവനക്കാരും ദിവസവേതന ജീവനക്കാരും ചേർന്നാണ് കി​റ്റുകൾ തയ്യാറാക്കുന്നത്. മ​റ്റു വിഭാഗങ്ങളിലെ കാർഡുടമകൾക്ക് കി​റ്റുകൾ തയ്യാറാക്കാൻ സന്നദ്ധ പ്രവർത്തകരുടെയും കുടുംബശ്രീ പ്രവർത്തകരുടെയും സഹകരണം ഉറപ്പാക്കിയിട്ടുണ്ട്.