ആലപ്പുഴ: കൊവിഡ്19 രോഗബാധയുമായി ബന്ധപ്പെട്ട് ജില്ലയിൽ ഇനിയും നിരീക്ഷണത്തിലുള്ളത് 7979പേർ. നിരീക്ഷണപ്പട്ടികയിൽ നിന്ന് ഇന്നലെ രണ്ടുപേരെ ഒഴിവാക്കിയപ്പോൾ മൂന്നുപേരെ ഉൾപ്പെടുത്തി.

13പേരാണ് ആശുപത്രികളിൽ നിരീക്ഷണത്തിലുള്ളത്. എട്ടു പേർ ആലപ്പുഴ മെഡിക്കൽ കോളേജ് ആശുപത്രിയിലും രണ്ടുപേർ ഹരിപ്പാട് ആശുപത്രിയിലും 3 പേർ കായംകുളം ഗവ. ആശുപത്രിയിലും ചികിത്സയിൽ കഴിയുന്നുണ്ട്. 598 പേർക്കാണ് ഇന്നലെ ഹോം ക്വാറന്റൈൻ നിർദ്ദേശിച്ചത്. ഇതോടെ ഹോം ക്വാറന്റൈനിലുള്ളവരുടെ ആകെ എണ്ണം 7966 ആയി. ഇന്നലെ പരിശോധനയ്ക്കായി 23 സാമ്പിളുകൾ അയച്ചു. ഫലം അറിഞ്ഞ 17 സാമ്പിളുകളും നെഗറ്റീവ് ആണ്. 26 സാമ്പിളുകളുടെ ഫലം വരാനുണ്ട്. കൺട്രോൾ റൂമിൽ വിളിച്ചത് 119 പേർ.