ആലപ്പുഴ: കൊവിഡുമായി ബന്ധപ്പെട്ട് ജില്ലയിൽ നിരീക്ഷണത്തിലുള്ളത് 8502 പേർ. കഴിഞ്ഞ ദിവസത്തേതിൽ നിന്ന് 573 പേരുടെ വർദ്ധനവുണ്ട്.

നിരീക്ഷണപ്പട്ടികയിൽ നിന്ന് ഇന്നലെ ആറുപേരെ ഒഴിവാക്കിയപ്പോൾ എട്ടുപേരെ ഉൾപ്പെടുത്തി. 15 പേരാണ് ആശുപത്രികളിൽ നിരീക്ഷണത്തിലുള്ളത്. ഒൻപതുപേർ ആലപ്പുഴ മെഡിക്കൽ കോളേജ് ആശുപത്രിയിലും രണ്ടുപേർ ഹരിപ്പാട് ആശുപത്രിയിലും നാലു പേർ കായംകുളം ഗവ. ആശുപത്രിയിലും ചികിത്സയിലുണ്ട്. 515 പേർക്കാണ് ഇന്നലെ ഹോം ക്വാറന്റൈൻ നിർദ്ദേശിച്ചത്. ഇതോടെ ഹോം ക്വാറന്റൈനിലുള്ളവരുടെ ആകെ എണ്ണം 8487 ആയി. ഇന്നലെ പരിശോധനയ്ക്കായി 20 സാമ്പിളുകൾ അയച്ചു. ഫലം അറിഞ്ഞ രണ്ട് സാമ്പിളുകളും നെഗറ്റീവ് ആണ്. 44 സാമ്പിളുകളുടെ ഫലം വരാനുണ്ട്

.