ചേർത്തല: അർത്തുങ്കൽ ഹാർബറി​ൽ നി​യന്ത്രണങ്ങളോടെ നടത്തി​യ മത്സ്യലേലം ആളുകൂടി​യതോടെ പാളി​. തുടർന്ന് ലേലം ഒഴി​വാക്കി​ മത്സ്യം തൂക്കി​ നൽകാൻ പൊലീസ് നി​ർദ്ദേശി​ച്ചു.

ഇന്നലെ ഒരേസമയം 200ഓളം പേരാണ് ലേലത്തിനായി കൂട്ടംകൂടിയത്. പൊലീസിന്റെ സാന്നിദ്ധ്യമുണ്ടായിരുന്നെങ്കിലും കാര്യമായൊന്നും ചെയ്യാൻ അവർക്ക് സാധിച്ചില്ല. മത്സ്യലേലം നടക്കുന്ന സ്ഥലത്ത് കൂടിയതിനേക്കാളേറെ ആളുകൾ പുറത്ത് വാഹനങ്ങളിലും മ​റ്റുമായും എത്തിയിരുന്നു. അകലം പാലിക്കാതെ മത്സ്യലേലം നടത്തിയതിനെതിരെ പ്രദേശവാസികൾ പ്രതിഷേധമുയർത്തി. നിയന്ത്റണങ്ങളില്ലാതെ ഇത്തരത്തിൽ ആളുകൾ കൂടുന്നത് തടയാൻ സംവിധാനമൊരുക്കണമെന്നും നാട്ടുകാർ ആവശ്യപ്പെട്ടു.

ബുധനാഴ്ച മുതലാണ് നിയന്ത്റണങ്ങൾ ഒഴി​വാക്കി​ വള്ളങ്ങൾ കടലിലിറങ്ങി തുടങ്ങിയത്. പരാതികൾ ഉയർന്ന സാഹചര്യത്തിൽ കൂടുതൽ നിരീക്ഷണവും നിയന്ത്രണവുമേർപ്പെടുത്തമെന്ന് അർത്തുങ്കൽ സ്റ്റേഷൻ ഹൗസ് ഓഫീസർ അൽജബാർ പറഞ്ഞു.