ആലപ്പുഴ:കൊവിഡ് 19 പ്രതിരോധ പ്രവർത്തനങ്ങൾക്ക് ശക്തിപകരാൻ ജില്ലാ പഞ്ചായത്ത് കാര്യമായ ഇടപെടൽ നടത്തണമെന്ന് പ്രതിപക്ഷനേതാവ് ജോൺതോമസ് ആവശ്യപ്പെട്ടു.ജില്ലാ പഞ്ചായത്ത് ഹാളിൽ ചേർന്ന അടിയന്തിര യോഗത്തിലാണ് പ്രതിപക്ഷ അംഗങ്ങൾ നിർദ്ദേശങ്ങൾ സമർപ്പിച്ചത്.

ജില്ലാ അതിർത്തികളിൽ റാപ്പിഡ് ടെസ്​റ്റ് നടത്തണം.ഏ​റ്റവും അത്യാവശ്യമുള്ള ആരോഗ്യ പ്രവർത്തകർക്ക് പേഴ്‌സണൽ പ്രാട്ടക്ഷൻ എക്യുപ്‌മെന്റ്‌സ് കി​റ്റ് (പി.പി.ഇ) വാങ്ങണം.ജില്ലാ പഞ്ചായത്ത് കേന്ദ്രീകരിച്ച് കൺട്രോൾ റൂം പ്രവർത്തിപ്പിക്കണമെന്നും പ്രതിപക്ഷ നേതാവ് ആവശ്യപ്പെട്ടു. പ്രസിഡന്റ് ജി.വേണുഗോപാലിന്റെ അദ്ധ്യക്ഷതയിൽ കൂടിയ യോഗത്തിൽ വൈസ് പ്രസിഡന്റ് മണി വിശ്വനാഥ്, സ്​റ്റാന്റിംഗ് കമ്മി​റ്റി അദ്ധ്യക്ഷന്മാരായ കെ.ടി.മാത്യു,കെ.കെ.അശോകൻ,സിന്ധു വിനു, കെ.സുമ എന്നിവരും അംഗങ്ങളായ ജുമൈലത്ത്, പി.എം.പ്രമോദ്, അഡ്വ.വേണു,ജമീല പുരുഷോത്തമൻ, സെക്രട്ടറി ദേവദാസ് എന്നിവരും സംസാരിച്ചു.