ആലപ്പുഴ: കൊവിഡുമായി ബന്ധപ്പെട്ട് ജില്ലയിൽ നിലവിൽ നിരീക്ഷണത്തിലുള്ളത് 7766 പേർ. കഴിഞ്ഞ ദിവസത്തേക്കാൾ 977പേർ കുറവാണിത്. മൂന്ന് പേർക്ക് ജില്ലയിൽ രോഗം സ്ഥിരീകരിച്ചിരുന്നെങ്കിലും ഒരാൾ മാത്രമേ ഇപ്പോൾ ചികിത്സയിലുള്ളൂ. മറ്റ് രണ്ട് പേർ രോഗവിമുകതരായി.

14 പേരാണ് ആശുപത്രികളിൽ നിരീക്ഷണത്തിലുള്ളത്. എട്ടുപേർ ആലപ്പുഴ മെഡിക്കൽ കോളേജ് ആശുപത്രിയിലും മൂന്നുപേർ വീതം ഹരിപ്പാട് ആശുപത്രിയിലും കായംകുളം ഗവ.ആശുപത്രിയിലും ചികിത്സയിലുണ്ട്. 39 പേർക്കാണ് ഇന്നലെ ഹോം ക്വാറന്റൈൻ നിർദ്ദേശിച്ചത്. ഇതോടെ ഹോം ക്വാറന്റൈനിലുള്ളവരുടെ ആകെ എണ്ണം 7752 ആയി. ഇന്നലെ പരിശോധനയ്ക്കായി 34 സാമ്പിളുകൾ അയച്ചു. ഫലമറിഞ്ഞ 24 സാമ്പിളുകളും നെഗറ്റീവ് ആണ്. 37 സാമ്പിളുകളുടെ ഫലം വരാനുണ്ട്