ആലപ്പുഴ: കോവിഡ്-19 മഹാമാരി സൃഷ്ടിച്ച ആഘാതത്തെ നേരിടാൻ കേന്ദ്ര സർക്കാർ എം.പിമാരുടെ ശമ്പളവും അലവൻസുകളും മുൻ എം.പിമാരുടെ പെൻഷനും വെട്ടിക്കുറയ്ക്കാൻ തീരുമാനിച്ച നടപടിയെ സ്വാഗതം ചെയ്യുന്നുവെന്ന് കോൺഗ്രസ് ലോക്‌സഭ ചീഫ് വിപ്പ് കൊടിക്കുന്നിൽ സുരേഷ് എംപി പറഞ്ഞു.

എം.പി.മാരുടെ പ്രാദേശിക വികസന ഫണ്ട് രണ്ടുവർഷത്തേക്ക് നിർത്തിവെക്കാനുള്ള തീരുമാനം മണ്ഡലങ്ങളിലെ വികസനപ്രവർത്തനങ്ങളുടെ താളം തെറ്റിക്കും. നിർണായകമായ ഒരു തീരുമാനമെടുക്കുമ്പോൾ സർക്കാർ പ്രതിപക്ഷകക്ഷികളുമായി കൂടിയാലോചനയ്ക്ക് മുതിർന്നില്ല എന്നത് അത്ഭുതപ്പെടുത്തുന്നതായും കൊടിക്കുന്നിൽ പറഞ്ഞു