ആലപ്പുഴ: കൊവിഡുമായി ബന്ധപ്പെട്ട് ജില്ലയിൽ നിലവിൽ നിരീക്ഷണത്തിലുള്ളത് 7661 പേർ. കഴിഞ്ഞ ദിവസത്തേക്കാൾ105പേർ കുറവാണിത്. മൂന്ന് പേർക്ക് ജില്ലയിൽ രോഗം സ്ഥിരീകരിച്ചിരുന്നെങ്കിലും ഒരാൾ മാത്രമേ ഇപ്പോൾ ചികിത്സയിലുള്ളൂ. മറ്റ് രണ്ട് പേർ രോഗവിമുക്തരായി. 15 പേരാണ് ആശുപത്രികളിൽ നിരീക്ഷണത്തിലുള്ളത്. 220 പേർക്കാണ് ഇന്നലെ ഹോം ക്വാറന്റൈൻ നിർദ്ദേശിച്ചത്. ഇതോടെ ഹോം ക്വാറന്റൈനിലുള്ളവരുടെ ആകെ എണ്ണം 7646 ആയി. ഇന്നലെ ഫലമറിഞ്ഞ 33 സാമ്പിളുകളും നെഗറ്റീവ് ആണ്. 30 സാമ്പിളുകളുടെ ഫലം വരാനുണ്ട്.