ആലപ്പുഴ: ഓൾ കേരളാ ഒപ്റ്റിക്കൽ അസോസിയേഷൻ ജില്ലാ കമ്മിറ്റിയുടെ നേതൃത്വത്തിൽ പൊലീസ് സേനാംഗങ്ങൾക്ക് സൺഗ്ലാസുകൾ വിതരണം ചെയ്തു. ആരോഗ്യ പ്രവർത്തകർക്കൊപ്പം പൊലീസിന്റെ പ്രവർത്തനങ്ങളും പ്രശംസനാർഹമാണെന്നു അസോസിയേഷൻ ജില്ലാ വൈസ് പ്രസിഡന്റ് സുബൈർ ഷാംസ് പറഞ്ഞു. ട്രാഫിക്ക് സർക്കിൾ ഇൻസ്‌പെക്ടർ മോഹൻദാസ് കണ്ണട വിതരണം ഉദ്ഘാടനം ചെയ്തു. അസോസിയേഷൻ ജില്ലാ ഭാരവാഹികളായ ജോ ബിനോയ്, ജെഫിൻ, ഷീൻ ജോസഫ് എന്നിവർ പങ്കെടുത്തു.