ആലപ്പുഴ: ലോക്ക് ഡൗൺ ലംഘനത്തിന് ജില്ലയിൽ ഇന്നലെ 227 കേസുകൾ രജിസ്റ്റർ ചെയ്തു. 236 പേരെ പകർച്ചവ്യാധി നിയന്ത്രണ നിയമം അനുസരിച്ച് അറസ്റ്റു ചെയ്തു. 122 വാഹനങ്ങൾ പിടിച്ചെടുത്തു. ക്വാറന്റൈൻ ലംഘിച്ചതിന് ഒരാൾക്ക് എതിരെയും ലോക്ക്ഡൗൺ ലംഘിച്ചതിന് 19 പേർക്കെതിരെയും റോഡരികിലും മറ്റ് സ്ഥലങ്ങളിലും നിന്നതിന് എഴ് കേസുകളിലായി 22 പേർക്കെതിരെയും വ്യാജ സത്യവാങ്മൂലം ഉപയോഗിച്ച് യാത്ര ചെയ്തതിന് 21 പേർക്ക് എതിരെയും സത്യവാങ് മൂലം ഇല്ലാതെ യാത്രചെയ്തതിന് 19 പേർക്കെതിരെയുമാണ് കേസെടുത്തത്. വ്യാജചാരായ നിർമ്മാണത്തിന് അഞ്ച് കേസുകളിൽ ഒൻപത് പേർക്കും ചീട്ടുകളിസംഘത്തിലെ 9പേർക്കും അനുവാദം ഇല്ലാതെ കടകൾ തുറന്നതിന് 15 പേർക്കുമെതിരെ കേസെടുത്തു.