ഹരിപ്പാട്: പള്ളിപ്പാട്ട്പടശേഖരത്തിന് തീപിടിച്ചത് പരിഭ്രാന്തി പരത്തി, അപകടം ഒഴിവായി. പള്ളിപ്പാട് വഴുതാനം മുണ്ടാറ്റിൻകര 250 ഏക്കറോളമുളള കൊയ്ത്ത് കഴിഞ്ഞ പാടശേഖരത്തിലാണ് ഇന്നലെ രാവിലെ 10 മണിയോടെ തീ പടർന്നത്. സമീപം നിരവധി വീടുകൾ ഉണ്ടായിരുന്നെങ്കിലും അവിടേക്ക് തീ പടരാതിരുന്നതി​നാൽ അപകടമൊഴിവായി. ഹരിപ്പാട് അഗ്നിശമന സേനാ യൂണി​റ്റെത്തി​ ഏറെ പരിശ്രമിച്ചാണ് തീയണച്ചത്. നാട്ടുകാരും ഹേർട് പ്രവർത്തകരും സഹായത്തിനുണ്ടായിരുന്നു. ഹരിപ്പാട് ഫയർ ആൻഡ് റസ്ക്യു സീനിയർ ഒഫീസർ എം.വേണു, ' എഫ്.'ആർ.ഒ.ബിജുമോൻ, കൃഷ്ണകുമാർ ,ദീപാങ്കുരൻ വൈശാഖ്, വിനീത്, എന്നിവർ നേതൃത്വം നൽകി.