ആലപ്പുഴ: കൊവിഡ് കാലത്ത് ജനങ്ങൾക്ക് മാനസി​ക ഉണർവി​ന് ഓൺ​ലൈൻ കലോത്സവം ഒരുക്കുകയാണ് പാതിരപ്പള്ളിയിലെ സ്നേഹജാലകം. പ്രവർത്തന പരിധിയിലുള്ള പ്രദേശത്തെ മുഴുവൻ കുടുംബങ്ങളെയും കൂട്ടിയിണക്കിയാണ്, ജനകീയ ഭക്ഷണശാല. ജനകീയ ലാബ് തുടങ്ങി വേറിട്ട പ്രവർത്തനങ്ങൾ നടത്തി​യ പാതിരപ്പള്ളിയിലെ സി.ജി.ഫ്രാൻസീസ് സ്മാരക ട്രസ്റ്റ് 'സ്‌നേഹ ജാലകം കലോത്സവം സംഘടി​പ്പി​ക്കുന്നത്.

വാട്സ് ആപ് ഗ്രൂപ്പിന്റെ പ്ലാറ്റ്‌ഫോമിൽ നടത്തുന്ന കലോത്സവം മന്ത്രി ഡോ. ടി.എം.തോമസ് ഐസക് ഉദ്ഘാടനം ചെയ്തു. സ്‌നേഹജാലകത്തിന്റെ പ്രവർത്തന പരിധിയായ മാരാരിക്കുളം തെക്ക് ഗ്രാമപഞ്ചായത്ത് 8 മുതൽ 15 വരെയുള്ള വാർഡുകളിലെയും ആര്യാട് ഗ്രാമപഞ്ചായത്ത് 16, 17 വാർഡുകളിലെയും കുടുംബങ്ങൾക്ക് കലോത്സവത്തിൽ പങ്കെടുക്കാം.വിജയികൾക്ക് കാഷ് അവാർഡ് ഉൾപ്പെടെയുള്ള സമ്മാനങ്ങൾ നൽകും. ഗാനാലാപനം, സാഹിത്യ രചന, ചിത്രരചന,നൃത്തം,വീട്ടിലെ പാട്ട് (ഡസ്‌ക്കിലിടച്ച്), മുത്തശ്ശി കഥ, ലൂഡോ, ചെസ് തുടങ്ങിയവയി​ലാണ് ഓൺലൈൻ മത്സരങ്ങൾ, സ്ത്രീകൾക്കായി രുചിക്കൂട്ട് വീഡിയോ, വെജിറ്റബിൾ കാർ വിങ്ങ് വീഡിയോ, നാട്ടറിവ്, പൂന്തോട്ടം, എ ബ്രോയിഡറി, പുതു തലമുറ മത്സരങ്ങൾട്രോൾ മേക്കിംഗ്, ടാലന്റ് ഷോ, ടിക്ക് ടോക്ക്, സ്മ്യൂൾ സോങ്ങ് , മൊബൈൽ ഫിലിം മേക്കിംഗ്, മൊബൈൽ ഫോട്ടോഗ്രാഫി തുടങ്ങി 30 മത്സര ഇനങ്ങളാവും ഉണ്ടാവും. സബ് ജൂനിയർ, ജൂനിയർ, യൂത്ത്, സീനിയർ, സൂപ്പർ സീനിയർ എന്നിങ്ങനെ അഞ്ച് വിഭാഗങ്ങളിലായിട്ടാണ് മത്സരം.