മാവേലിക്കര: ഉറങ്ങിക്കിടന്ന അഞ്ചുവയസുകാരിയുടെ മാല അപഹരിച്ചു. മാവേലിക്കര കുന്നം കരിമ്പിൻകാവ് ആര്യാഭവനം ജി.മുരളീധരന്റെ ചെറുമകൾ ആഷ്മിയുടെ ഒൻപത് ഗ്രാമിന്റെ മാലയാണ് തിങ്കളാഴ്ച വെളുപ്പിനെ മൂന്നരയോടെ മോഷണം പോയത്. മുരളീധരന്റെ അമ്മയ്ക്ക് ക്ഷേത്രത്തിൽ ജോലിയുണ്ട്. അതിനാൽ വീട്ടുകാർ വെളുപ്പിനെ ഉണർന്നിരുന്നു. വീടിന് പുറത്തിറങ്ങാൻ തുറന്ന വാതിൽ പൂട്ടാതിരുന്നതിനാൽ തള്ളിത്തുറന്ന് അകത്ത് കടന്ന മോഷ്ടാവ് മാല പൊട്ടിച്ചെടുത്ത് രക്ഷപ്പെടുകയായിരുന്നു.